స్థానిక ఎన్నికలకు టీడీపీ వ్యూహరచన!
స్థానిక ఎన్నికలకు టీడీపీ వ్యూహరచన!
రుద్రంపేట నాయకులతో ఎమ్మెల్యే దగ్గుపాటి ప్రసాద్ కీలక సమావేశం
అనంతపురం: స్థానిక సంస్థల ఎన్నికలే లక్ష్యంగా తెలుగుదేశం పార్టీ నాయకులు, కార్యకర్తలను ఎమ్మెల్యే దగ్గుపాటి ప్రసాద్ అప్రమత్తం చేశారు. అనంతపురం నియోజకవర్గంలోని రుద్రంపేట గ్రామ పంచాయతీ టీడీపీ నాయకులతో ఆయన సమావేశమై ఎన్నికల సన్నద్ధతపై సమీక్ష నిర్వహించారు.
ఈ సందర్భంగా ఎన్నికల కార్యాచరణ, అనుసరించాల్సిన వ్యూహాలు, నాయకులు, కార్యకర్తల మధ్య సమన్వయం తదితర అంశాలపై చర్చించారు. గ్రామస్థాయిలో పార్టీని మరింత బలోపేతం చేసేందుకు ప్రతి ఒక్కరూ సమష్టిగా పనిచేయాలని సూచించారు. స్థానిక నాయకుల అభిప్రాయాలు, సూచనలు తెలుసుకుంటూ ఎన్నికల్లో అనుసరించాల్సిన వ్యూహాలపై దిశానిర్దేశం చేశారు.
రానున్న స్థానిక సంస్థల ఎన్నికల్లో టీడీపీ విజయమే లక్ష్యంగా నాయకులు, కార్యకర్తలు ఐక్యంగా కృషి చేయాలని ఎమ్మెల్యే దగ్గుపాటి ప్రసాద్ పిలుపునిచ్చారు.
అనంతపురం కలెక్టరేట్ రిపోర్టర్.. వేణు…