గ్రంథాలయ ఉద్యమకారులకు నివాళులు.
సూర్య న్యూస్ అద్దంకి.
గ్రంథాలయ వారోత్సవాల్లో భాగంగా సోమవారం అద్దంకి శాఖ గ్రంథాలయం వద్ద మూడవరోజు వారోత్సవాలు ఘనంగా జరిగాయి. భారతదేశ చరిత్రలో గ్రంథాలయ ఉద్యమంలో పాల్గొన్న ప్రముఖులు ఎస్సార్ రంగనాథన్, పాతూరి నాగభూషణం, అయ్యంకి వెంకటరమణయ్య, గాడిచర్ల సర్వోత్తమరావు చిత్రపటాలకు పూలమాలతో నివాళులు అర్పించారు. గ్రంథాలయ వారోత్సవాల ప్రోగ్రాం ఆర్గనైజర్ మన్నం త్రిమూర్తులు మాట్లాడుతూ.. విలువలు గల సమాజం విద్య ద్వారానే సాధ్యమవుతుందని, మన బిడ్డలు లక్ష్యం చేరు కోవాలన్నా, పిల్లలు తల్లిదండ్రులను గౌరవంగా చూసుకోవాలన్న, సమాజంలో బాధ్యత గల పౌరులుగా ఎదగాలన్న, సమాజంలోని రుగ్మతలను పారద్రోలాలన్నా... పుస్తక పఠనంతో కూడిన చైతన్యమే ఏకైక మార్గమని అన్నారు. కార్యక్రమంలో లైబ్రరియన్ సిహెచ్ వి ఎల్ వసుంధర దేవి, దివాకర్ దత్తు, డాక్టర్ యు దేవపాలన, జ్యోతి చంద్రమౌళి, సిహెచ్ సుగుణ రావు, శశిధర్, రవీంద్ర భారతి స్కూల్ హెచ్ ఎం ఎల్ వి మోహన్ రావు విద్యార్థిని విద్యార్థులు పాల్గొన్నారు.