telangana
పేదల జీవితాల్లో ఆసరా పెన్షన్ - లబ్ధిదారులకు ప్రొసీడింగ్స్ పత్రాలను అందజేసిన ఎమ్మెల్యే అనిల్ జాదవ్
సూర్య.నేరడిగొండ : నిరుపేద కుటుంబాలకు ప్రభుత్వం అందించే ఆసరా పెన్షన్లు కొండంత అండగా నిలుస్తాయని బోథ్ ఎమ్మెల్యే అనిల్ జాదవ్ పేర్కొన్నారు. సోమవారం మండల కేంద్రంలోని ఎంపీడీఓ కార్యాలయంలో ఏర్పాటు చేసిన ప్రత్యేక కార్యక్రమంలో ఆయన ముఖ్య అతిథిగా పాల్గొన్నారు. మండలంలోని వివిధ గ్రామాలకు చెందిన 490 మంది నూతన లబ్ధిదారులకు మంజూరైన ఆసరా పెన్షన్ ప్రొసీడింగ్ పత్రాలను ఎమ్మెల్యే అనిల్ జాదవ్ అందజేశారు.అనంతరం ఎమ్మెల్యే అనిల్ జాదవ్ మాట్లాడుతూ.. వృద్ధులు, దివ్యాంగులు, వితంతువులకు ఆసరా పెన్షన్లు ఆర్థిక భరోసాను ఇస్తున్నాయని తెలిపారు. అర్హులైన ప్రతి ఒక్కరికీ ప్రభుత్వ సంక్షేమ ఫలాలను నేరుగా అందించడమే తన ధ్యేయమని, ఎలాంటి ఇబ్బందులు కలగకుండా అధికారులు సమన్వయంతో పనిచేయాలని సూచించారు. ఈ కార్యక్రమంలో సర్పంచ్ నీలిమ రవీందర్ రెడ్డి మాజీ ఎంపీపీ రాథోడ్ సజన్ , గ్రంథాలయ చైర్మన్ మల్లెపూల నరసయ్య అధికారులు, పార్టీ నాయకులు, కార్యకర్తలు లబ్ధిదారులు పాల్గొన్నారు.