శివోహం కూచిపూడి మహాబృంద నాట్య ప్రదర్శనలో ఖండవల్లి విద్యార్థినిలు
పెరవలి మేజర్ న్యూస్ :పెరవలి మండలం ఖండవల్లి గ్రామానికి చెందిన శ్రీ నృత్యప్రియ డాన్స్ అకాడమి నృత్య కళాకారులు,రాజమహేంద్రవరం పట్టణం ఆర్ట్స్ కాలేజ్ గ్రౌండ్ లో బ్రామరి నృత్య కళానికేతన్ వారి ఆధ్వర్యంలో రాష్ట్ర పర్యాటక సాంస్కృతిక సినిమాటోగ్రఫీ శాఖ మంత్రివర్యులు కందుల దుర్గేష్ ముఖ్య అతిధిగా విచ్చేసిన శివోహం కూచిపూడి మహాబృంద నాట్య కార్యక్రమంలో పాల్గొన్నారు. సుమారు 1000 మందికి పైగా కూచిపూడి నృత్య కళాకారులచే ప్రదర్శించబడిన బృందనాట్యంలో పెరవలి మండలం ఖండవల్లి గ్రామ కూచిపూడి నృత్య కళాకారిణి కుమారి నరుకుల సాయిశ్రీప్రియ శిష్యబృందం నర్తకిమణులు హాసిని, జ్యోత్స్న రాఘవి, రేణుక, చాందిని, సుధీక్ష, రితిక, రిత్విక హనుప్రియ, ప్రజ్ఞ, సిరి, జోషిక, లాస్య, నందిత, దివ్య లు పాల్గొని తెలుగు బుక్ ఆఫ్ రికార్డ్స్, ఇండియన్ బుక్ ఆఫ్ రికార్డ్స్, మిరాకిల్ బుక్ రికార్డ్స్ లలో స్థానం దక్కించుకున్నారు.
ఈ కార్యక్రమంలో నృత్య ప్రదర్శన చేయడం ద్వారా వారు ఈ ఘనతను సాధించారు అని డాన్స్ టీచర్ నరుకుల సాయిశ్రీ ప్రియ మేజర్ న్యూస్ కు తెలియజేశారు.