సోషల్ మీడియాలో రాజకీయ ప్రకటనలకు ఎంసీఎంసీ ముందస్తు ధ్రువీకరణ తప్పనిసరి* *జిల్లా కలెక్టర్ డా.ఏ.సిరి*

కర్నూలు, అక్టోబర్ 27: స్థానిక సంస్థల ఎన్నికల నేపథ్యంలో రాజకీయ పార్టీలు, అభ్యర్థులు రాష్ట్ర ఎన్నికల కమిషన్ ఆదేశాల మేరకు  సోషల్ మీడియా లో రాజకీయ ప్రకటనలకు ఎంసీఎంసీ నుండి ముందస్తు ధ్రువీకరణ తప్పనిసరిగా తీసుకోవాలని జిల్లా కలెక్టర్ డా.ఏ.సిరి మంగళవారం ఒక ప్రకటనలో తెలిపారు. ఇందుకోసం  కర్నూలు  కలెక్టరేట్‌లోని సీపీఓ కార్యాలయంలో ఏర్పాటు చేసిన ఎంసీఎంసీ సెల్‌ను సంప్రదించాలని  కలెక్టర్ సూచించారు.. 

అభ్యర్థులు, రాజకీయ పార్టీలు వాట్సప్, ఫేస్ బుక్, ఇన్స్టాగ్రామ్, యూ ట్యూబ్ తదితర సోషల్ మీడియా వేదికల్లో రాజకీయ ప్రకటనలకు తప్పనిసరిగా ఎంసీఎంసీ నుండి ముందస్తు ధ్రువీకరణ తీసుకోవాలని, ఈ అంశాన్ని ఎంసీఎంసీ ద్వారా గమనించడం జరుగుతోందని కలెక్టర్ తెలిపారు. అనుమతి తీసుకోకుండా ప్రచారం చేస్తున్న అభ్యర్థులకు సంబంధిత ఆర్వో ల ద్వారా నోటీసులు పంపించడం జరుగుతోందని కలెక్టర్ తెలిపారు.

అలాగే టెలివిజన్ ఛానళ్లు, కేబుల్ నెట్‌వర్క్‌లు, రేడియో, సినిమా హాళ్లు, బహిరంగ ప్రదేశాల్లో ఏర్పాటు చేసే ఆడియో, వీడియో ప్రదర్శనలు, ఈ-పేపర్లు, బల్క్  SMS లు, వాయిస్ మెసేజ్ లకు కూడా   మీడియా సర్టిఫికేషన్ అండ్ మానిటరింగ్ కమిటీ (ఎంసీఎంసీ) నుంచి ముందస్తు ధ్రువీకరణ పొందాలని కలెక్టర్ సూచించారు.