సోమందేపల్లి బిజెపి సర్పంచ్ అభ్యర్థిగా నామినేషన్ దాఖలు చేసిన ఎస్ఆర్ పార్థసారథి రెడ్డి
సోమందేపల్లి మేజర్ పంచాయతీ సర్పంచ్ అభ్యర్థిగా భారతీయ జనతా పార్టీ తరపున ఎస్ ఆర్ పార్థసారథి రెడ్డి ఆదివారం స్థానిక ఎంపీడీవో కార్యాలయం నందు ఎన్నికల అధికారులకు నామినేషన్ పత్రాలను అందజేశారు. అంతకు ముందు సర్పంచ్ అభ్యర్థి తన మద్దతుదారులతో కలిసి సోమందేపల్లిలో ర్యాలీగా ఎంపీడీవో కార్యాలయానికి చేరుకోవడం జరిగింది. బిజెపి పార్టీ తరఫున మేజర్ పంచాయతీ సర్పం చ్ అభ్యర్థిగా పోటీ చేస్తున్నట్లు తెలిపారు. ఈ సందర్భంగా సర్పంచ్ అభ్యర్థి పార్థసారథి రెడ్డి మాట్లాడుతూ కేంద్రంలోని నరేంద్ర మోడీ ప్రభుత్వం 12 సంవత్సరాలుగా పేదల అభివృద్ధి సంక్షేమం కోసం కృషి చేస్తుందని వివరిం చారు. ప్రతి కుటుంబం పేదరికం నుండి బయటప డాలన్న ఆకాంక్షతో ప్రధానమంత్రి నరేంద్ర మోడీ పాలన కొనసాగిస్తు న్నారని వివరించారు. సోమందేపల్లి మేజర్ పంచాయతీ ప్రజలకు సేవ చేయా లన్న ఆకాంక్షతో నామినేషన్ దాఖలు చేయడం జరిగిందని తెలియజేశారు. తాను సర్పంచ్ గా ఎన్నికైతే సోమందేపల్లి అభివృద్ధి లక్ష్యంగా పనిచేస్తానని వివరించారు. ప్రతి కుటుంబానికి కేంద్ర, రాష్ట్ర ప్రభుత్వాల సంక్షేమ పథకాల వర్తింపచేసేలా కృషి చేస్తానని తెలియజేశారు. ఇంటింటికి వెళ్లి బిజెపి అభ్యర్థిగా తాను పోటీ చేస్తున్నానని.. తాను సర్పంచ్ గా గెలిపిస్తే చేపట్టబోయే అభివృద్ధి సంక్షేమాన్ని ప్రజలకు తెలియజేస్తానని ఆయన పేర్కొ న్నారు. ఈ కార్యక్రమంలో పెద్ద ఎత్తున భారతీయ జనతా పార్టీ నాయ కులు, మహిళలు కార్యకర్తలు, అభిమానులు, పాల్గొన్నారు.