శ్రీ దుర్గ నవరాత్రి ఉత్సవాలకు రూ.15 వేల విరాళం

అనంతపురం బ్యూరో : శ్రీ దుర్గ నవరాత్రి ఉత్సవాల సందర్భంగా ఉమ్మడి అనంతపురం జిల్లా ఏ డి సి సి బ్యాంకు చైర్మన్ ముంటిమడుగు కేశవరెడ్డి తన వంతు సహాయంగా రూ.15 వేల విరాళాన్ని అందజేశారు.

శింగనమల నియోజకవర్గం గార్లదిన్నె మండలం కల్లూరు ఆర్‌ఎస్ గ్రామంలోని 7వ వార్డులో శ్రీ దుర్గ నవరాత్రి ఉత్సవాలను నిర్వహిస్తున్న విషయం తెలుసుకున్న ఆయన ఉత్సవ కమిటీ సభ్యులను కలిసి రూ.15 వేల విరాళాన్ని అందజేశారు.

ఈ సందర్భంగా ముంటిమడుగు కేశవరెడ్డి మాట్లాడుతూ.. శ్రీ దుర్గాదేవి ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. నవరాత్రి ఉత్సవాలను భక్తిశ్రద్ధలతో నిర్వహిస్తున్న ఉత్సవ కమిటీ సభ్యులను అభినందించారు.

రిపోర్టర్ : మొయినుద్దీన్, అనంతపురం బ్యూరో, అనంతపురం.