telanagana
గర్భిణీలు, బాలింతలు పౌష్టికాహారం తీసుకోవాలి
సూర్య ఎలిగేడు:మండలంలోని లాలపల్లి అంగన్‌వాడీ కేంద్రంలో పోషణ మాస వారోత్సవాలను ఘనంగా నిర్వహించారు. ఈ సందర్భంగా స్థానిక సర్పంచ్ ఏలేటి వెంకట్‌రెడ్డి మాట్లాడుతూ అంగన్‌వాడీ కేంద్రాల ద్వారా ప్రభుత్వం అందిస్తున్న పౌష్టికాహారాన్ని గర్భిణీలు, బాలింతలు సద్వినియోగం చేసుకోవాలని సూచించారు.పిల్లల ఆరోగ్యకరమైన ఎదుగుదలకు పౌష్టికాహారం, సమతుల్య ఆహారం, ఆకుకూరలు, పండ్ల ప్రాధాన్యతను వివరించారు. ముఖ్యంగా గర్భధారణ నుంచి బిడ్డకు రెండేళ్లు వచ్చే వరకు ఉండే మొదటి 1000 రోజుల్లో తల్లి, బిడ్డ ఆరోగ్యంపై ప్రత్యేక శ్రద్ధ వహించాలని, పోషకాహారం విషయంలో తగిన జాగ్రత్తలు తీసుకోవాలని అవగాహన కల్పించారు.కార్యక్రమంలో భాగంగా చిన్నారులకు అక్షరాభ్యాసం, అన్నప్రాసన కార్యక్రమాలను నిర్వహించారు. కార్యక్రమంలో అంగన్‌వాడీ టీచర్, గర్భిణీలు, బాలింతలు, చిన్నారులు పాల్గొన్నారు
