ప్రజా అవసరాల కోసం సొంత నిధులతో సీసీ రోడ్డు…!

శామీర్‌పేటలో నిర్మాణ పనులకు శ్రీకారం చుట్టిన జిల్లా బీజేపీ కార్యదర్శి విలాసాగరం సుదర్శన్

శామీర్‌పేట, మేజర్ న్యూస్ (అక్టోబర్ 09):ప్రజల అవసరాలను దృష్టిలో పెట్టుకుని మేడ్చల్ మల్కాజిగిరి జిల్లా బీజేపీ కార్యదర్శి విలాసాగరం సుదర్శన్ తన సొంత నిధులతో సీసీ రోడ్డు నిర్మాణానికి శ్రీకారం చుట్టారు. మల్కాజిగిరి మున్సిపల్ కార్పొరేషన్ పరిధిలోని శామీర్‌పేట డివిజన్‌లో శామీర్‌పేట గ్రామంలోని వైఎస్ రాజశేఖర్‌రెడ్డి విగ్రహం నుంచి నల్సార్ జంక్షన్ వరకు సీసీ రోడ్డు నిర్మాణ పనులను గ్రామస్తులతో కలిసి ప్రారంభించారు.ఈ సందర్భంగా సుదర్శన్ మాట్లాడుతూ...…ప్రజల రాకపోకలకు ఇబ్బందులు లేకుండా రహదారి సౌకర్యం కల్పించాలనే ఉద్దేశంతో సొంత నిధులతో ఈ పనులు చేపట్టినట్లు తెలిపారు. ప్రజలకు అవసరమైన మౌలిక సదుపాయాల కల్పనలో తన వంతు సహకారం అందిస్తానని పేర్కొన్నారు.రోడ్డు నిర్మాణంతో స్థానిక ప్రజలు, వాహనదారులకు రాకపోకలు మరింత సులభతరం కానున్నాయని గ్రామస్తులు తెలిపారు. ప్రజా అవసరాల కోసం సొంత నిధులతో రోడ్డు నిర్మాణ పనులు చేపట్టిన సుదర్శన్‌ను గ్రామస్తులు అభినందించారు.ఈ కార్యక్రమంలో గ్రామస్తులు, స్థానిక నాయకులు, కార్యకర్తలు తదితరులు పాల్గొన్నారు.

రిపోర్టర్: తాటికొండ రవి గౌడ్, శామీర్ పేట్, మేడ్చల్ జిల్లా.