హుజురాబాద్ లో అదుపుతప్పి కారు బోల్తా

సూర్య, హుజురాబాద్:కరీంనగర్ జిల్లా హుజురాబాద్ పట్టణంలోని వరంగల్ కరీంనగర్ జాతీయ రహదారిపై శుక్రవారం తెల్లవారుజామున వివేకానంద విగ్రహం వద్ద వేగంగా వస్తున్న క్రెటా కారు అదుపుతప్పి బోల్తా పడింది. జమ్మికుంటకు చెందిన ఐదుగురు యువకులు వరంగల్ కు వెళ్తుండగా వివేకానంద విగ్రహం వద్ద కారు వేగంగా వస్తూ అదుపుతప్పడంతో ఎదురుగా ఉన్న విద్యుత్ పోల్ ను బలంగా ఢీకొంది. ఈ సంఘటనలో విద్యుత్ పోలు, చెట్టు విరిగిపోగా ఎదురుగా ఉన్న పోచయ్య హోటల్ ముందు కారు బోల్తా పడింది. ఈ ప్రమాదంలో కారు ధ్వంసం కాగా అందులో ప్రయాణిస్తున్న ఐదుగురికి స్వల్ప గాయాలతో బయటపడ్డారు. హుజురాబాద్ ఏఎస్ఐ కమల సంఘటన స్థలానికి చేరుకొని పరిస్థితిని పరిశీలించారు. కేసు నమోదు చేసుకొని దర్యాప్తు చేస్తున్నారు.