ఢిల్లీలో తీవ్ర కలకలం: ప్రముఖ యూట్యూబర్ ధ్రువ్ రాఠీతో పాటు CJP నేతల అరెస్ట్

న్యూఢిల్లీ :ఢిల్లీలో కాక్రోచ్ జనతా పార్టీ (CJP) తలపెట్టిన ఆందోళనల నేపథ్యంలో రాజధానిలో ఉద్రిక్త పరిస్థితులు తారాస్థాయికి చేరాయి. ఇందులో భాగంగా ప్రముఖ యూట్యూబర్ ధ్రువ్ రాఠీని ఢిల్లీ పోలీసులు గురుగ్రామ్‌లోని ఆయన నివాసంలో అదుపులోకి తీసుకోవడం రాజకీయ వర్గాల్లో తీవ్ర చర్చనీయాంశమైంది. జంతర్‌మంతర్ వద్ద చేపట్ట తలపెట్టిన నిరసన ప్రదర్శనను అడ్డుకునే క్రమంలోనే ఈ ముందస్తు నిర్బంధాలు చోటుచేసుకున్నాయి. మరోవైపు CJP కీలక నేతలు అభిజీత్ దీప్కే, సౌరవ్ దాస్, అశుతోష్‌లను సైతం పోలీసులు విమానాశ్రయంలో దిగిన వెంటనే అదుపులోకి తీసుకున్నారు. శాంతిభద్రతల పరిరక్షణ మరియు అవాంఛనీయ ఘటనల నివారణ పేరుతో పోలీసులు భారీ ఎత్తున ఆందోళనకారులను, నాయకులను ముందస్తుగా అరెస్టు చేయడం ప్రాధాన్యత సంతరించుకుంది. ఈ వరుస నిర్బంధాల పట్ల CJP వర్గాలు తీవ్ర నిరసన వ్యక్తం చేయగా, ఢిల్లీ వ్యాప్తంగా హైఅలర్ట్ ప్రకటించి పోలీసులు పటిష్టమైన భద్రతా చర్యలను కొనసాగిస్తున్నారు.