సర్పంచ్లకు 13, వార్డులకు 133 నామినేషన్లు
చల్లపల్లి మేజర్ న్యూస్ : గ్రామ పంచాయతీ ఎన్నికలకు సంబంధించి ఆదివారం రెండవ రోజు నామినేషన్ల ప్రక్రియ కొనసాగింది. చల్లపల్లి మండలంలో 11 గ్రామ పంచాయతీలకు గాను చల్లపల్లి, లక్ష్మీపురం, పాగోలు, వక్కలగడ్డ, మంగళాపురం, నడకుదురులో నామినేషన్ సెంటర్లను ఏర్పాటుచేశారు. సర్పంచ్ అభ్యర్థులుగా 13 మంది, వార్డు అభ్యర్థులుగా 133 మంది నామినేషన్లు దాఖలు చేశారు. మంగళాపురం సర్పంచ్ అభ్యర్థులుగా పరుచూరి శ్రీదేవి, రావెళ్ల సుజాత, మాజేరులో తోట ధనసూర్యావతి, వెలివోలులో వేములమడ సతీష్బాబు(రెండవ సెట్), పురిటిగడ్డలో కర్రా సురేష్బాబు, కర్రా రమేష్బాబు, బడుగు అనిల్ కుమార్, బెజవాడ సునీల్, యార్లగడ్డలో ముదునూరి లక్ష్మి, బుర్రె సత్యవేణి, నడకుదురులో పుట్టి వెంకటేశ్వరమ్మ, వక్కలగడ్డలో మల్లుపెద్ది దుర్గామహేష్లు నామినేషన్లు వేశారు. రెండు రోజుల నామినేషన్లు కలిపి మొత్తం సర్పంచ్ స్థానాలకు 29, వార్డు స్థానాలకు 218 నామినేషన్లు దాఖలు కాగా, సోమవారం చివరి రోజు కావటంతో మరికొన్ని నామినేషన్లు దాఖలు కానున్నాయి.
స్టాఫ్ రిపోర్టర్: ✍️ ప్రేమ్ రాజ్, అవనిగడ్డ నియోజకవర్గం, కృష్ణాజిల్లా.