సర్పంచ్ నామినేషన్లన్నీ ఆమోదం.. వార్డుల్లో నాలుగు తిరస్కరణ!
సర్పంచ్ నామినేషన్లన్నీ ఆమోదం.. వార్డుల్లో నాలుగు తిరస్కరణ!
- ఓర్వకల్లు మండలంలోని 22 గ్రామపంచాయతీల్లో ముగిసిన పరిశీలన
- సర్పంచ్ స్థానాలకు 139కి 139 నామినేషన్లకు ఆమోదం
- వార్డు సభ్యుల స్థానాల్లో 486కి 482 ఆమోదం.. నాలుగు తిరస్కరణ
ఓర్వకల్లు మేజర్ న్యూస్:
ఓర్వకల్లు మండలంలోని 22 గ్రామపంచాయతీల పరిధిలో సర్పంచ్ స్థానాలకు దాఖలైన 139 నామినేషన్లన్నీ ఆమోదం పొందగా, వార్డు సభ్యుల స్థానాలకు సమర్పించిన 486 నామినేషన్లలో 482 ఆమోదం పొంది, నాలుగు తిరస్కరణకు గురయ్యాయని ఎంపీడీవో నాగ అనసూయ తెలిపారు. శనివారం నిర్వహించిన పరిశీలనలో ఈ వివరాలు వెల్లడైనట్లు పేర్కొన్నారు.
నామినేషన్ పత్రాలను ఎన్నికల నిబంధనల ప్రకారం పరిశీలించి అర్హత కలిగిన వాటికి ఆమోదం తెలిపినట్లు వివరించారు. దీంతో సర్పంచ్ స్థానాల్లో ఎలాంటి తిరస్కరణలు లేకపోగా, వార్డు సభ్యుల స్థానాల్లో మాత్రమే నాలుగు నామినేషన్లు తిరస్కరణకు గురయ్యాయి.
ఈ నెల 24వ తేదీ వరకు ఉపసంహరణకు గడువు ఉండటంతో అనంతరం తుది బరిలో నిలిచే అభ్యర్థుల సంఖ్యపై స్పష్టత రానుంది.