23 నుండి గంగవరంలో ప్రతిష్టా మహోత్సవ కార్యక్రమాలు
ఇంకొల్లు, మేజర్న్యూస్ :
ఇంకొల్లు మండలంలోని గంగవరం గ్రామంలో శ్రీ గంగా పార్వతి సమేత భీమలింగేశ్వర స్వామి, శ్రీ వీరభద్ర స్వామి, శ్రీ గణపతి స్వామి, శ్రీ సుబ్రహ్మణ్యేశ్వర స్వామి, శ్రీ అయ్యప్ప స్వామి, నవగ్రహ దేవతలు మరియు ఇతర దేవతా మూర్తులు, యంత్రాలు మరియు ధ్వజ స్తంభముల ప్రతిష్టా మహోత్సవ కార్యక్రమాలు ఈనెల 23వ తేదీ నుండి 27వ తేదీ వరకు నిర్వహిస్తున్నట్లు నిర్వాహకులు తెలిపారు. 23న ఉదయం 6.30 నుండి గంగపూజతో కార్యక్రమాలు ప్రారంభమవుతాయన్నారు. అనంతరం మృత్సంగ్రహణం, గోపూజ, ఆలయ ప్రవేశం, గణపతి పూజ, గౌరి పూజ, శైవ పుణ్యాహవాచనం, పంచగవ్య ప్రాశనం, ఋత్విక్ వరణం, యాగశాల ప్రవేశం, హారతి, తీర్ధప్రసాద వితరణ, సాయంత్రం 6.15 నుండి టి.టి.డి అన్నమాచార్య ప్రాజెక్టు కళాకారుల బృందంచే ఆధ్యాత్మిక సంగీత కచేరి, సీతా విజయేశ్వరీ పరివార్ రమా సుందరి అమ్మ అద్దంకి వారిచే ఆధ్యాత్మిక ప్రవచనామృతం 24న గణపతి పూజ, నవగ్రహ-వాస్తు పూజ, మంటప దేవతా కలశ స్థాపన, చతుష్షష్టి యోగినీ దేవతా పూజ, చతుర్లింగ మండల పూజ, ప్రధాన కలశ స్థాపన, హారతి, తీర్థ ప్రసాద వితరణ, సాయంత్రం 3.3. నుండి అగ్ని ప్రతిష్ట, లక్ష్మీ గణపతి హోమం, వాస్తు హోమం, నూతన యంత్ర విగ్రహములకు పంచగవ్య పంచామృత అభిషేకములు, హారతి, తీర్థ ప్రసాద వితరణ, సాయంత్రం 4.30 నుండి దేవతామూర్తుల గ్రామోత్సవం, జలాధివాసం, హారతి, తీర్థప్రసాద వితరణ, సాయంత్రం 6.15 నుండి టీటీడీ అన్నమాచార్య ప్రాజెక్ట్ కళాకారుల బృందంచే ఆధ్యాత్మిక సంగీత కచేరి, రాత్రి 7.30 నుండి సీతా విజయేశ్వరీ పరివార్ రమా సుందరి అమ్మ అద్దంకి వారిచే ఆధ్యాత్మిక ప్రవచనామృతం, శాస్త్రీయ నృత రూపకాలు, వంటి కార్యక్రమాలు ప్రతి రోజు నిర్వహిస్తారన్నారు. 27వ తేదీ ఉదయం 8.5 నుండి 9.05 నిలకు యంత్ర, నూతన విగ్రహ ప్రాణ ప్రతిష్ట మహోత్సవ కార్యక్రమాలు అనంతరం అన్నదానం కార్యక్రమలు జరుగుతాయన్నారు. ఐదు రోజుల పాటు జరిగే కార్యక్రమాల్లో భక్తులంతా పాల్గొని జయప్రదం చేయాలని కోరారు.
సూర్య రిపోర్టర్ : షేక్ జానిబాష, ఇంకొల్లు.