సమస్యల పరిష్కారానికే ప్రజా దర్బార్

కొత్తపేట,మేజర్ న్యూస్:ప్రజా సమస్యలను నేరుగా తెలుసుకుని,వాటి పరిష్కారానికి ప్రజాదర్బార్ వారధిగా నిలుస్తుందని కొత్తపేట ఎమ్మెల్యే బండారు సత్యానందరావు అన్నారు.శుక్రవారం వాడపాలెంలోని ఎమ్మెల్యే కార్యాలయంలో ప్రజాధర్బర్ కార్యక్రమాన్ని నిర్వహించారు.ఈ సందర్భంగా నియోజకవర్గంలోని వివిధ ప్రాంతాల నుంచి వచ్చిన ప్రజల నుంచి ఎమ్మెల్యే బండారు 22 వినతులు,అర్జీలను స్వీకరించారు.ప్రజలు తమ సమస్యలను ఎమ్మెల్యే దృష్టికి తీసుకురాగా,వాటి పరిష్కారానికి సంబంధిత అధికారులతో అక్కడికక్కడే ఫోన్‌లో మాట్లాడారు.ప్రజల నుంచి స్వీకరించిన ప్రతి అర్జీని పరిశీలించి,సమస్యలను త్వరితగతిన పరిష్కరించాలని అధికారులను ఎమ్మెల్యే ఆదేశించారు.ప్రజలకు అందుబాటులో ఉండి వారి సమస్యల పరిష్కారానికి నిరంతరం కృషి చేస్తామని ఆయన పేర్కొన్నారు.