సామగుట్టపల్లిలో గ్రామ వికాస పత్రాల సేకరణ

గ్రామ సమస్యలను క్షేత్రస్థాయిలో పరిష్కరించడమే లక్ష్యం

కుప్పం : సామగుట్టపల్లి గ్రామంలో ఈరోజు గ్రామ వికాస కార్యక్రమంలో భాగంగా తెలుగుదేశం పార్టీకి సంబంధించిన మూడవ వార్డు కౌన్సిలర్ ఆధ్వర్యంలో గ్రామ వికాస పత్రాలను సేకరించారు. గ్రామంలో నెలకొన్న ప్రజా సమస్యలను గుర్తించి, వాటి పరిష్కారానికి అవసరమైన వివరాలను సేకరించారు.కూటమి అభ్యర్థులు గెలుపొందితే, ఎన్నికల అనంతరం రాష్ట్ర ముఖ్యమంత్రివర్యులు నారా చంద్రబాబు నాయుడు నేతృత్వంలో గ్రామస్థులు ఎదుర్కొంటున్న సమస్యలను క్షేత్రస్థాయిలో పరిశీలించి, పరిష్కారానికి కృషి చేస్తామని కార్యక్రమంలో వివరించారు. గ్రామంలో మౌలిక సదుపాయాలు, ప్రజలకు అవసరమైన అభివృద్ధి కార్యక్రమాలు, ఇతర సమస్యలను గుర్తించి వాటిని సంబంధిత అధికారుల దృష్టికి తీసుకెళ్లేలా గ్రామ వికాస పత్రాలను సేకరించినట్లు తెలిపారు.

ప్రజల అవసరాలను తెలుసుకుని, గ్రామాభివృద్ధికి ప్రాధాన్యతనిస్తూ సమస్యల పరిష్కారానికి కృషి చేయడమే ఈ కార్యక్రమం ముఖ్య ఉద్దేశమని పేర్కొన్నారు.