రోడ్డు ప్రమాదంలో వ్యక్తి దుర్మరణం.

అద్దంకి నార్కెట్ పల్లి హైవేపై శ్రీనివాస్ నగర్ వద్ద ఆదివారం రాత్రి రోడ్డు ప్రమాదం జరిగింది. అందిన సమాచారం మేరకు శ్రీనివాస్ నగర్ కు చెందిన వజ్జా పున్నయ్య రోడ్డు దాటుతుండగా హైదరాబాద్ నుంచి అద్దంకి వైపు వస్తున్న కారు ఢీ కొట్టింది. ఈ ప్రమాదంలో పున్నయ్య సంఘటన స్థలంలోనే మృతి చెందాడు. కారు రోడ్డు మార్జిన్ లో బోల్తా పడింది. ఆ సమయంలో కారులో భార్యాభర్త ఇద్దరు పిల్లలు ఉన్నారు. ఎవరికి ఎటువంటి గాయాలు కాలేదు. ప్రమాద విషయాన్ని తెలుసుకున్న అద్దంకి సీఐ సుబ్బరాజు సంఘటన స్థలానికి వెళ్లి పరిశీలించారు.