రిటైర్డ్ వెటర్నరి డాక్టర్ రామకృష్ణ రెడ్డి మృతికి వెంకట శివుడు యాదవ్ సంతాపం
అనంతపురం బ్యూరో, మేజర్ న్యూస్ : అనారోగ్యంతో మృతి చెందిన అనంతపురం జిల్లా గుంతకల్లు నియోజకవర్గం పామిడి మండలం అనుంపల్లి గ్రామానికి చెందిన రిటైర్డ్ వెటర్నరీి డాక్టర్ రామకృష్ణ రెడ్డి మృతిపట్ల మాజీ జిల్లా అధ్యక్షులు, రాష్ట్ర కార్మిక సంక్షేమ శాఖ బోర్డు చైర్మన్ వెంకట శివుడు యాదవ్ తీవ్ర సంతాపం వ్యక్తం చేశారు.
డాక్టర్ రామకృష్ణ రెడ్డి మృతి చెందిన విషయం తెలుసుకున్న వెంకట శివుడు యాదవ్ అనుంపల్లి గ్రామానికి వెళ్లి ఆయన భౌతికకాయానికి పూలమాల వేసి ఘనంగా నివాళులర్పించారు. అనంతరం మృతుని కుటుంబ సభ్యులను పరామర్శించి తన ప్రగాఢ సానుభూతిని తెలియజేశారు. రామకృష్ణ రెడ్డి మృతి కుటుంబ సభ్యులకు తీరని లోటని, ఆయన ఆత్మకు శాంతి చేకూరాలని ఆకాంక్షించారు.
ఈ కార్యక్రమంలో పామిడి మండలానికి చెందిన తెలుగుదేశం పార్టీ నాయకులు, కార్యకర్తలు పాల్గొని డాక్టర్ రామకృష్ణ రెడ్డికి నివాళులర్పించారు.
రిపోర్టర్ : మొయినుద్దీన్, అనంతపురం బ్యూరో, మేజర్ న్యూస్.
