రేపు

• తోటపల్లి ఆలయాల ఈవో వి వి సూర్యనారాయణ వెల్లడి
• వరుణ దేవుని ఆశీస్సులు పొందేందుకు వరుణ యాగం
• భక్తులు అధిక సంఖ్యలో పాల్గొనాలి ఈ వో సూర్యనారాయణ

గరుగుబిల్లి: వర్షాభావ పరిస్థితులను నివారించి సకాలంలో సమృద్ధిగా వర్షాలు కురవాలని,నదులు జలకళతో పరవళ్ళు తొక్కాలని,అదే విధంగా రైతాంగం సుభిక్షంగా ఉండాలన్న సంకల్పంతో ఉత్తరాంధ్రలో చిన తిరుపతిగా ప్రసిద్ధి చెందిన గరుగుబిల్లి మండలం తోటపల్లి శ్రీవెంకటేశ్వర స్వామి ఆలయంలో ఈనెల 6 వ తేదీన వేద పండితులతో వరుణ యాగము మరియు వరుణ జపం కార్యక్రమాన్ని నిర్వహించడం జరుగుతోందని తోటపల్లి శ్రీవెంకటేశ్వరస్వామి మరియు కోదండరామస్వామి ఆలయాల కార్యనిర్వహణ అధికారి వి వి సూర్యనారాయణ వెల్లడించారు.ఈమేరకు తోటపల్లి శ్రీవెంకటేశ్వరస్వామి ఆలయంలో ఆదివారం స్థానిక విలేకరులతో దేవస్థానం కార్య నిర్వహణ అధికారి వి వి సూర్యనారాయణ మాట్లాడారు.ఈఏడాది వర్షాలు తక్కువగా ఉన్నందున సమృద్ధిగా వర్షాలు కురిసేందుకు మరియు రాష్ట్ర దేశ ప్రజల సంక్షేమం మరియు శ్రేయస్సు కొరకు వరుణ దేవుని ఆశీస్సులను పొందేందుకు దేవాదాయ శాఖ ఆధ్వర్యంలో వరుణ యాగము మరియు వరుణ జపం కార్యక్రమాన్ని నిర్వహించడం జరుగుతుందన్నారు.తోటపల్లి శ్రీ వెంకటేశ్వర స్వామి ఆలయంలో మంగళవారం ఉదయం 6.54 గంటల నుంచి వేద పండితులచే వరుణ యాగము మరియు వరుణ జపం కార్యక్రమం నిర్వహించడం జరుగుతుందన్నారు.ఈ కార్యక్రమంలో భక్తులు అధిక సంఖ్యలో పాల్గొని స్వామివారి కృపకు పాత్రులు కావాలని కార్య నిర్వహణ అధికారి వి వి సూర్యనారాయణ పేర్కొన్నారు.