నేడు తోటపల్లి ప్రాజెక్టులో చేప పిల్లలు విడుదల కార్యక్రమం

• చేప పిల్లలు విడిచిపెట్టనున్న ప్రభుత్వ విప్ తోయక జగదీశ్వరి
• టిడిపి కన్వీనర్ మరడాన నారాయణస్వామినాయుడు

గరుగుబిల్లి: తోటపల్లి భారీ నీటిపారుదల ప్రాజెక్టులో మంగళవారం చేప పిల్లలు విడుదల కార్యక్రమం జరుగుతుందని మండల తెలుగుదేశం పార్టీ కన్వీనర్ మరడాన నారాయణస్వామినాయుడు సోమ వారం తెలిపారు.ఈమేరకు ఉదయం 9 గంటలకు తోటపల్లి భారీ నీటిపారుదల ప్రాజెక్టులో కురుపాం నియోజకవర్గం శాసనసభ్యులు మరియు ప్రభుత్వ విప్ తోయక జగదీశ్వరి విడుదల చేయడం జరుగుతుందన్నారు.అనంతరం పల్లె పండుగ 3.0 కార్యక్రమంలో భాగంగా మండల పరిధిలోని ఉద్దవోలు గ్రామం లో సిమ్మెంటు రహదారి నిర్మాణం పనులకు శంకుస్థాపన చేయడం జరుగుతుందని మండల తెలుగుదేశం పార్టీ కన్వీనర్ మరడాన నారాయణ స్వామినాయుడు వెల్లడించారు.అదే విధంగా గ్రామీణ ప్రాంత ప్రజలకు మెరుగైన వైద్య సేవలను మరింత చేరువ చేసే ఉద్దేశంతో ఉల్లిభద్ర గ్రామం లో నూతనంగా నిర్మాణం చేపట్టిన విలేజ్ హెల్త్ క్లినిక్ భవనమును శాసనసభ్యులు మరియు ప్రభుత్వ విప్ తోయక జగదీశ్వరి ప్రారంభించనున్నా రని టిడిపి కన్వీనర్ నారాయణస్వామి నాయుడు చెప్పారు.ఈకార్యక్రమానికి మండల పరిధిలోని ఆయా గ్రామాలకు చెందిన కూటమి నాయకులు, కార్యకర్త లు పెద్ద సంఖ్యలో పాల్గొనాలని టీడీపీ కన్వీనర్ మరడాన నారాయణస్వామి నాయుడు కోరారు.