నేడు నారాయణపేట కలెక్టరేట్ ముట్టడి

నారాయణపేట, సూర్యన్యూస్: 
భారత ఎన్నికల కమిషనర్ జ్ఞానేష్ కుమార్ రాజీనామా చేయాలని కోరుతూ అక్టోబర్ 6న మంగళవారం దేశవ్యాప్తంగా అన్ని జిల్లా కలెక్టరేట్ల ముందు ముట్టడి ఉంటుందని నారాయణపేట జిల్లా కాంగ్రెస్ అధ్యక్షులు ప్రశాంత్ కుమార్ రెడ్డి, సిపిఎం జిల్లా కార్యదర్శి జి.వెంకట్రామరెడ్డి, సిపిఐ ఎం.ఎల్ డివిజన్ కార్యదర్శి కాశీనాథ్ తెలిపారు. సోమవారం సాయంత్రం నారాయణపేట జిల్లా కేంద్రంలోని సివిఆర్ భవన్ లో జరిగిన విలేకరుల సమావేశంలో వారు మాట్లాడారు. తొలగించబడ్డ ఓట్లను వెంటనే ఓటర్ జాబితాలో చేర్చాలని  అక్రమంగా ఓట్లను తొలగిస్తున్న ఎన్నికల కమిషనర్ జ్ఞానేశ్ కుమార్ ను వెంటనే రాజీనామా చేయాలని డిమాండ్ చేశారు. ఈ మేరకు ఎన్నికల కమిషనర్ జ్ఞానేశ్ కుమార్ కోరుతూ జిల్లా కలెక్టరేట్లా ముట్టడి ఉంటుందని తెలిపారు. ఈ ముట్టడిలో కాంగ్రెస్ కమ్యూనిస్టు మిత్రపక్షాల పార్టీలన్నీ కూడా పాల్గొని విజయవంతం చేయాలని పిలుపునిచ్చారు. సమావేశంలో కాంగ్రెస్ నాయకులు శివారెడ్డి, సలీం, బండి వేణుగోపాల్ మహిమూర్, కోట్లా రవి, సుధాకర్ లెఫ్ట్ నాయకులు గోపాల్, బండమీడి బలరాం, కెంచి నారాయణ  పాల్గొన్నారు.
-- రాజేష్ కుమార్, సూర్య రిపోర్టర్ నారాయణపేట.