రేపు నగరం కళాశాలలో జాతీయ సదస్సు

నగరం, మేజర్ న్యూస్: బాపట్ల జిల్లా, మండల కేంద్రమైన నగరంలోని శ్రీ వెలగపూడి రామకృష్ణ స్మారక కళాశాల ఆధ్వర్యంలో ఈ నెల 11, 12 తేదీలలో “అడ్వాన్స్డ్ మెటీరియల్స్ ఇన్ కెమిస్ట్రీ, ఫిజిక్స్ అండ్ నానో టెక్నాలజీ ఫర్ నెక్స్ట్ జనరేషన్” అనే అంశంపై జాతీయ సదస్సు నిర్వహిస్తున్నట్లు కళాశాల ప్రిన్సిపల్ డాక్టర్ అనగాని హరికృష్ణ తెలిపారు. శాస్త్ర సాంకేతిక రంగాల్లో వస్తున్న నూతన మార్పులు, పరిశోధన అవకాశాలు, ఆధునిక సాంకేతిక పరిజ్ఞానంపై అవగాహన పెంపొందించడమే ఈ సదస్సు ప్రధాన ఉద్దేశమన్నారు. ప్రతిరోజు ఉదయం 10 గంటలకు జరిగే సదస్సులో రసాయన శాస్త్రం, భౌతిక శాస్త్రం, నానోటెక్నాలజీ రంగాలలో ఆధునిక పరిశోధనలు, నూతన ఆవిష్కరణలు, భవిష్యత్ తరాలకు ఉపయోగపడే అధునాతన పదార్థాల అభివృద్ధి తదితర అంశాలపై నిపుణులు తమ పరిశోధనా అనుభవాలు, అభిప్రాయాలు వివరిస్తారని ఆయన అన్నారు. ఈ జాతీయ సదస్సులో వివిధ విశ్వవిద్యాలయాలు, కళాశాలలకు చెందిన అధ్యాపకులు, పరిశోధకులు, శాస్త్రవేత్తలు, విద్యార్థులు పాల్గొంటారన్నారు.