డైట్ లో అధికారుల సందర్శన

నెల్లిమర్ల, సూర్య : వేణుగోపాలపురం ​ప్రభుత్వ జిల్లా విద్యా శిక్షణ సంస్థలో బోధనా ప్రమాణాలు, విద్యా కార్యక్రమాల అమలు తీరును పరిశీలించేందుకు రెండు జిల్లాల నుంచి అధ్యాపక బృందాలు సందర్శించాయి. ఒమర వల్లి డైట్ ప్రిన్సిపాల్  గౌరీశంకర్ ఆధ్వర్యంలో నలుగురు అధ్యాపకులు, భీముని పట్నం డైట్ ప్రిన్సిపాల్  బి. సునీత ఆధ్వర్యంలో మరో నలుగురు అధ్యాపకుల బృందాలు విచ్చేశాయి. అకడమిక్ క్యాలెండర్ అమలు, ఛాత్రోపాధ్యాయుల బోధనా ప్రమాణాలు, ల్యాబ్‌లు, ఈ-కంటెంట్, గ్రంథాలయం, బోధనాభ్యసన సామగ్రిని పరిశీలించారు. ​ లెక్చరర్ రమేష్ రూపొందించిన 'డైట్ మేట్'  యాప్ పనితీరును, సాంకేతిక పరిజ్ఞాన వినియోగాన్ని సందర్శక బృందాలు ప్రత్యేకంగా అభినందించాయి. ఈ కార్యక్రమంలో డైట్ ప్రిన్సిపాల్  కె. రామకృష్ణారావు, వైస్ ప్రిన్సిపాల్ దత్తి అప్పలనాయుడు పాల్గొని సంస్థ కార్యకలాపాలను వివరించారు. ​ఈ అనుభవాల మార్పిడి ఉపాధ్యాయ విద్యలో నాణ్యతా ప్రమాణాలను మరింత మెరుగుపరచుకోవడానికి దోహదపడుతుందని పేర్కొన్నారు.