కాల్వ ఎంపీటీసీల విజయోత్సాహం.. కాటసాని దంపతులకు ఘన సత్కారం!
కాల్వ ఎంపీటీసీల విజయోత్సాహం.. కాటసాని దంపతులకు ఘన సత్కారం!
ఓర్వకల్లు మేజర్ న్యూస్:
కాల్వ గ్రామంలో ఎంపీటీసీ స్థానాలను వైఎస్సార్‌సీపీ అభ్యర్థులు కైవసం చేసుకోవడంతో గ్రామ పార్టీ శ్రేణుల్లో విజయోత్సాహం నెలకొంది. ఈ సందర్భంగా కాల్వ గ్రామానికి చెందిన వైఎస్సార్‌సీపీ నాయకులు, కార్యకర్తలు పాణ్యం మాజీ ఎమ్మెల్యే, వైఎస్సార్‌సీపీ నంద్యాల జిల్లా అధ్యక్షుడు కాటసాని రామభూపాల్‌రెడ్డి, ఆయన సతీమణి కాటసాని ఉమామహేశ్వరమ్మను మర్యాదపూర్వకంగా కలిశారు.
కాల్వ ఎంపీటీసీ-1గా అలీ బాషా, ఎంపీటీసీ-2గా మద్దిలేటి నాయక్ విజయం సాధించిన నేపథ్యంలో కాటసాని దంపతులకు శాలువాలు కప్పి, పూలమాలలతో ఘనంగా సత్కరించి విజయానందాన్ని పంచుకున్నారు. ఈ సందర్భంగా కాటసాని రామభూపాల్‌రెడ్డి విజయం సాధించిన ఎంపీటీసీలను ప్రత్యేకంగా అభినందించారు. పార్టీ విజయానికి కృషి చేసిన నాయకులు, కార్యకర్తలకు కృతజ్ఞతలు తెలియజేస్తూ, ఈ విజయం అందరి సమష్టి కృషికి నిదర్శనమని పేర్కొన్నారు.
ఈ కార్యక్రమంలో కాల్వ, గుడుంబాయి తండా గ్రామాలకు చెందిన వైఎస్సార్‌సీపీ నాయకులు, కార్యకర్తలు, అభిమానులు పాల్గొన్నారు.
