జడ్పీటీసీ విజయంతో మంజుల శశికర్ బాబుకు ఘన సన్మానాలు ప్రజా విజయానికి అభినందనల వెల్లువ.. అభివృద్ధికి కృషి చేస్తా: మంజుల.

చిత్తూరు అర్బన్, మేజర్ న్యూస్: 
చిత్తూరు రూరల్ మండలం జడ్పీటీసీగా విజయం సాధించిన మంజుల శశికర్ బాబును మంగళవారం చిత్తూరు రూరల్ తెలుగుదేశం పార్టీ కార్యాలయంలో ఘనంగా సన్మానించారు.
టీడీపీ కార్యాలయ కార్యదర్శి మోహన్ రాజ్ ఆధ్వర్యంలో జరిగిన ఈ సన్మాన కార్యక్రమంలో నాయకులు పూలమాలలు వేసి, శాలువాతో సత్కరించారు. జడ్పీటీసీగా విజయం సాధించిన మంజుల శశికర్ బాబుకు అభినందనలు తెలిపారు.ఈ సందర్భంగా మోహన్ రాజ్ మాట్లాడుతూ మంజుల శశికర్ బాబు విజయం చిత్తూరు రూరల్ మండలంలో కూటమికి లభించిన ప్రజాదరణకు నిదర్శనమని తెలిపారు. ప్రజలు కూటమి ప్రభుత్వం చేపట్టిన అభివృద్ధి, సంక్షేమ పథకాలను నమ్మి ఓటు వేశారన్నారు. మండలంలోని ప్రతి గ్రామ అభివృద్ధికి జడ్పీటీసీగా ఆమె కృషి చేస్తారని ఆకాంక్షించారు. పార్టీ శ్రేణులు, కార్యకర్తలు అందరూ కలిసి పనిచేస్తేనే ఇలాంటి విజయాలు సాధ్యమని చెప్పారు. మంజుల శశికర్ బాబుకు పార్టీ తరపున అన్ని విధాలా అండగా ఉంటామని హామీ ఇచ్చారు.ఈ సందర్భంగా మంజుల శశికర్ బాబు మాట్లాడుతూ తన విజయానికి కృషి చేసిన ప్రజలకు, నాయకులకు, కార్యకర్తలకు కృతజ్ఞతలు తెలిపారు. ఎమ్మెల్యే గురజాల జగన్ మోహన్ దిశానిర్దేశంలో మండల అభివృద్ధికి కృషి చేస్తానని హామీ ఇచ్చారు. ఈ కార్యక్రమంలో టిడిపి కార్యాలయ కార్యదర్శి మోహన్ రాజ్, మాజీ ఎమ్మెల్సీ దొరబాబు, మార్కెట్ కమిటీ చైర్మన్ వెంకటేష్ యాదవ్ ,చిత్తూరు మండల ఎస్సీ సెల్ అధ్యక్షులు గువ్వకల్లు కందసామి, నాయకులు రజిని, ప్రభు తదితరులు పాల్గొన్నారు.

చిత్తూరు అర్బన్ రిపోర్టర్,  లవకుమార్