రాష్ట్రస్థాయి తైక్వాండోలో సూర్య అకాడమీ ప్రభంజనం ఏడు పతకాలతో సత్తాచాటిన క్రీడాకారులు విజేతలకు పతకాలు, ప్రశంసాపత్రాలు అందజేసిన మాజీ మంత్రి మోపిదేవి వెంకటరమణారావు
రేపల్లె మేజర్ న్యూస్; తెనాలిలో నిర్వహించిన 2026 ఆంధ్రప్రదేశ్ రాష్ట్రస్థాయి తైక్వాండో ఛాంపియన్షిప్లో రేపల్లెకు చెందిన సూర్య తైక్వాండో అకాడమీ క్రీడాకారులు అద్భుత ప్రతిభ కనబరిచి విజయభేరి మోగించారు. సీనియర్, జూనియర్ విభాగాల్లో జరిగిన పోటీల్లో ప్రత్యర్థులకు గట్టి పోటీనిస్తూ మొత్తం ఏడు పతకాలను సాధించి అకాడమీ కీర్తిని రాష్ట్రస్థాయిలో చాటారు.ఈ పోటీల్లో సూర్య తైక్వాండో అకాడమీ క్రీడాకారులు మూడు బంగారు, మూడు వెండి, ఒక కాంస్య పతకంతో కలిపి మొత్తం ఏడు పతకాలు కైవసం చేసుకున్నారు. కొక్కిలిగడ్డ శశికుమార్ బంగారు పతకం సాధించగా, కొక్కిలిగడ్డ అమర్నాథ్ మరో బంగారు పతకాన్ని సాధించి ప్రతిభ చాటారు. అదేవిధంగా ఒడుగు సాయికుమార్, కొక్కిలిగడ్డ ప్రవీణ్, చెన్ను వరుణ్ కుమార్ వెండి పతకాలు సాధించారు. పీతా పవన్ సాయి కాంస్య పతకాన్ని దక్కించుకున్నారు.అనంతరం విజేతలైన క్రీడాకారులు మాజీ మంత్రి, మాజీ రాజ్యసభ సభ్యులు, తెలుగుదేశం పార్టీ నాయకులు మోపిదేవి వెంకటరమణారావు ను మర్యాదపూర్వకంగా కలిశారు. ఈ సందర్భంగా ఆయన విజేతలకు పతకాలు, ప్రశంసాపత్రాలు అందజేసి అభినందించారు. క్రీడల్లో ప్రతిభ కనబరిచి రాష్ట్రస్థాయిలో రేపల్లెకు గుర్తింపు తీసుకురావడం అభినందనీయమని పేర్కొన్నారు. విద్యతోపాటు క్రీడల్లోనూ రాణిస్తూ ఉన్నత లక్ష్యాలను సాధించాలని క్రీడాకారులకు సూచించారు.క్రీడాకారుల విజయానికి కృషి చేసిన అకాడమీ నిర్వాహకులు, శిక్షకులను అభినందించారు. భవిష్యత్తులో జాతీయ, అంతర్జాతీయ స్థాయి పోటీల్లోనూ రేపల్లె క్రీడాకారులు పతకాలు సాధించి ప్రాంతానికి మరింత పేరు ప్రతిష్ఠలు తీసుకురావాలని ఆకాంక్షించారు.ఒకే అకాడమీ నుంచి ఏడుగురు పతకాలు సాధించడం పట్ల క్రీడాభిమానులు, తల్లిదండ్రులు హర్షం వ్యక్తం చేస్తున్నారు. సూర్య తైక్వాండో అకాడమీ సాధించిన ఈ విజయం రేపల్లె ప్రాంతంలోని యువ క్రీడాకారులకు స్ఫూర్తిగా నిలుస్తుందని పలువురు అభిప్రాయపడ్డారు.