రామసముద్రంలో ఘనంగా వాల్మీకి మహర్షి జయంతి : ప్రత్యేక పూజలు,భక్తులకు అన్నదానం
రామసముద్రం,మేజర్ న్యూస్ : మండల కేంద్రంలో వాల్మీకి మహర్షి జయంతి వేడుకలు సోమవారం ఘనంగా నిర్వహించారు.ఈ సందర్భంగా మహర్షి విగ్రహానికి అభిషేకం నిర్వహించి,ప్రత్యేక పూజలు చేశారు.అనంతరం భక్తులు భక్తిశ్రద్ధలతో నివాళులర్పించారు.జయంతిని పురస్కరించుకుని అన్నదాన కార్యక్రమాన్ని నిర్వహించారు.ఈ సందర్భంగా వక్తలు మాట్లాడుతూ,రామాయణ మహాకావ్యాన్ని రచించి,మానవాళికి ధర్మం,సత్యం,నీతి,న్యాయం వంటి ఉన్నత విలువలను చాటిచెప్పిన ఆదికవి వాల్మీకి మహర్షి అని కొనియాడారు.ఆయన రచనలు తరతరాలకు నైతిక విలువలను బోధిస్తూ,ఆదర్శవంతమైన జీవనానికి మార్గదర్శకంగా నిలుస్తున్నాయని పేర్కొన్నారు.వాల్మీకి మహర్షి బోధించిన ధర్మమార్గం,సత్యనిష్ఠ,మానవతా విలువలను ప్రతి ఒక్కరూ జీవితంలో ఆచరించాలని పిలుపునిచ్చారు.మహర్షి ఆశయాలను భావితరాలకు అందించడం ద్వారా సమాజంలో నైతిక విలువలను పెంపొందించవచ్చని అభిప్రాయపడ్డారు.జయంతి వేడుకల్లో భాగంగా నిర్వహించిన పూజా కార్యక్రమాలు,అన్నదానంలో భక్తులు పాల్గొన్నారు.భక్తి,ఆధ్యాత్మికత ఉట్టిపడేలా సాగిన ఈ వేడుకలతో రామసముద్రంలో పండుగ వాతావరణం నెలకొంది.
రిపోర్టర్ : హరినాథ్,రామసముద్రం,మదనపల్లి నియోజకవర్గం
