నేటి మధ్యాహ్నం 3 గంటల వరకు నామినేషన్ల ఉపసంహరణ : రిటర్నింగ్ అధికారి డాక్టర్ మనోహర్ వెల్లడి

రామసముద్రం,మేజర్ న్యూస్ : రామసముద్రం మండలంలో ఎంపీటీసీ ఎన్నికలకు సంబంధించి నామినేషన్ల ఉపసంహరణ ప్రక్రియ మంగళవారం మధ్యాహ్నం 3 గంటల వరకు కొనసాగనుంది.నామినేషన్ల పరిశీలనలో ఆమోదం పొందిన అభ్యర్థులు నిర్ణీత గడువులోగా తమ నామినేషన్లను ఉపసంహరించుకోవచ్చని రిటర్నింగ్ అధికారి డాక్టర్ మనోహర్ తెలిపారు.ఎన్నికల బరిలో నిలవాలా ఉపసంహరించుకోవాలా అనే విషయంపై అభ్యర్థులు నిర్ణయం తీసుకుని,నిబంధనల ప్రకారం గడువులోగా ప్రక్రియను పూర్తి చేసుకోవాలని ఆయన సూచించారు.గడువు ముగిసిన అనంతరం పోటీలో నిలిచే అభ్యర్థుల తుది జాబితాను ప్రకటించనున్నట్లు వెల్లడించారు.నామినేషన్ల ఉపసంహరణ ప్రక్రియ పూర్తయిన తర్వాత మండలంలో ఎంపీటీసీ ఎన్నికల పోటీపై స్పష్టత రానుంది.దీంతో ప్రధాన రాజకీయ పార్టీల అభ్యర్థులతోపాటు స్వతంత్ర అభ్యర్థుల తుది పోటీపై రాజకీయ వర్గాల్లో ఆసక్తి నెలకొంది.