నవంబరు 12న థియేటర్లలోకి రానున్న మిస్టిరీయస్‌ ఇన్వెస్టిగేషన్ థ్రిల్లర్ 'అ'
సూర్య ఎంటర్‌టైన్‌మెంట్ డెస్క్: టాలీవుడ్ యంగ్ హీరో రాహుల్ విజయ్ మరియు ఆర్చన అయ్యర్ ప్రధాన పాత్రల్లో అత్యంత ప్రతిష్టాత్మకంగా తెరకెక్కుతున్న మిస్టరీ ఇన్వెస్టిగేషన్ డ్రామా థ్రిల్లర్ 'అ' సినిమా విడుదల తేదీలో మేకర్స్ మార్పులు చేశారు. ఈ సినిమాపై ఇప్పటికే సినీ వర్గాలలో మరియు ప్రేక్షకులలో భారీ స్థాయిలో అంచనాలు నెలకొన్నాయి. ప్రతిభావంతుడైన అడివి శేష్ చేతుల మీదుగా విడుదలైన ఈ చిత్ర టైటిల్ అలాగే ఫస్ట్ లుక్ పోస్టర్‌కు ప్రేక్షకుల నుంచి అద్భుటమైన స్పందన లభించింది. దీనికి తోడు బ్లడీ హంగర్ పేరుతో విడుదల చేసిన ప్రత్యేక గ్లింప్స్ సినిమాపై అంచనాలను మరింత పెంచేసింది. ఇటీవల విడుదలైన ప్రత్యేక గీతం సైతం సోషల్ మీడియా వేదికగా వైరల్ అవుతూ ప్రేక్షకులను విశేషంగా ఆకట్టుకుంటోంది.
వాస్తవానికి ఈ సస్పెన్స్ థ్రిల్లర్‌ను అక్టోబర్ 30వ తేదీన థియేటర్లలో గ్రాండ్‌గా విడుదల చేయాలని చిత్ర బృందం ప్లాన్ చేసింది. అయితే నిర్మాణానంతర కార్యక్రమాలలో లేదా కంటెంట్ విషయంలో ఎలాంటి రాజీ పడకూడదనే ఉద్దేశంతో మేకర్స్ ఈ రిలీజ్ డేట్‌ను కొద్దిగా మార్చారు. అనుకున్న ప్లాన్ ప్రకారం ఈ చిత్రాన్ని నవంబరు 12వ తేదీన ప్రపంచవ్యాప్తంగా థియేటర్లలోకి తీసుకురానున్నట్లు అధికారికంగా ప్రకటించారు. ఈ మేరకు చిత్ర యూనిట్ విడుదల చేసిన సరికొత్త కాన్సెప్ట్ వీడియో ప్రస్తుతం సోషల్ మీడియాలో హాట్ టాపిక్‌గా మారింది. స్టార్ బాక్స్ స్టోరీస్ మరియు రిపుల్ స్లైడ్ స్టూడియోస్ అనే డెబ్యూ ప్రొడక్షన్ హౌస్‌లపై కనకరావు తొనంగి, అభిషేక్ కె, ప్రముఖ ఎడిటర్ గ్యారీ బీహెచ్ సంయుక్తంగా ఈ చిత్రాన్ని నిర్మిస్తుండగా, సాయి బాలి దర్శకత్వం వహిస్తున్నారు.
సినిమా విశేషాల గురించి దర్శకుడు సాయి బాలి మాట్లాడుతూ అందరి సహకారంతో ఒక అత్యుత్తమ దృశ్యకావ్యాన్ని ప్రేక్షకుల ముందుకు తీసుకురాబోతున్నామని తెలిపారు. టైటిల్ చుట్టూ ముడిపడి ఉన్న అదృశ్యం, అన్వేషణ, అనుమానం, అసాంఘీకం, అమానుషం అనే పదాల చుట్టూనే ఈ పూర్తి కథనం తిరుగుతుందని పేర్కొన్నారు. ఈ చిత్రంలో రాహుల్ విజయ్ చాలా పవర్‌ఫుల్ అండ్ సిన్సియర్ పోలీస్ ఆఫీసర్‌గా కనిపిస్తారని, ఆయన స్క్రీన్ ప్రెజెన్స్ సినిమాకే ప్రధాన హైలైట్‌గా నిలుస్తుందని ధీమా వ్యక్తం చేశారు. నవంబరు 12న ప్రేక్షకుల ముందుకు రానున్న ఈ సినిమా అందరి అంచనాలను అందుకుని ఘన విజయం సాధిస్తుందన్న నమ్మకం ఉందని ఆయన వెల్లడించారు.
నిర్మాతలు మాట్లాడుతూ అత్యంత విభిన్నమైన కాన్సెప్ట్‌తో ప్రేక్షకులకు సరికొత్త థియేట్రికల్ అనుభూతిని పంచేందుకు ఈ చిత్రం సిద్ధమైందని చెప్పారు. రాహుల్ విజయ్ కెరీర్‌లోనే ఈ సినిమా ఒక మైలురాయిలా నిలిచిపోతుందని, పక్కా ప్రణాళికతో నవంబరు 12న సినిమాను థియేటర్లలోకి తీసుకొస్తున్నామని తెలిపారు. ఈ చిత్రానికి మోనిష్ భూపతి రాజు సినిమాటోగ్రఫీ అందిస్తుండగా, అభినవ్ వి. కునపరెడ్డి మరియు గ్యారీ బీహెచ్ ఎడిటింగ్ బాధ్యతలను సమర్థవంతంగా నిర్వహిస్తున్నారు. మిస్టరీ, హృదయాలను హత్తుకునే ఎమోషన్స్, ఉత్కంఠభరితమైన మలుపులతో కూడిన డార్క్ థ్రిల్లర్‌గా రూపుదిద్దుకున్న ఈ సినిమా ప్రేక్షకులకు సరికొత్త అనుభూతిని పంచుతుందని ప్రచార చిత్రాలు స్పష్టం చేస్తున్నాయి.
