పురపోరుకు నేటి నుండి నామినేషన్లు

ఎమ్మిగనూరు, సూర్య ప్రతినిధి

స్థానిక సంస్థల ఎన్నికల నేపథ్యంలో మొదటి విడుదల జరుగుతున్న పురపాలక సంఘం ఎన్నికలకు నేటి నుండి నామినేషన్లు దాఖలు కాలున్నాయి.. ఎమ్మిగనూరు పట్టణంలో గతంలో 34 వార్డులు ఉండగా డెలిమిటేషన్లు జరిపిన పిదప 44 వార్డులకు పెరిగాయి.. చైర్మన్ అభ్యర్థి ఎంపిక ప్రజలు ఎదుర్కొంటున్న నేపథ్యంలో చైర్మన్ కుర్చీపై చాలామంది ఆసక్తి చూస్తున్నారు.. 16 17 18 తేదీల్లో జరిగే నామినేషన్లలో ఎంతమంది చైర్మన్ అభ్యర్థులుగా పోటీలో ఉంటారో అందు పట్టడం లేదు.. ప్రధాన పార్టీలు కూటమి నుండి ఒకరు, వైకాపా నుండి మరొకరు తోపాటు ఆయా పార్టీలో రెబల్స్ కూడా బరిలో దిగే అవకాశాలు లేకపోలేదు.. 44 వార్డులకు రెండు పార్టీల్లో నువ్వా నేనా అన్నట్లు అభ్యర్థులు పోటీలో నిర్వహించేందుకు సిద్ధమవుతున్నారు. అంతేకాక అక్కడ టికెట్ ఆశించి పార్టీ నేతలను ఒప్పించలేని వారు కూడా రెబల్గా నిలబడేందుకు ముమ్మర ప్రయత్నాలు చేసుకుంటున్నారు. నేరుగా చైర్మన్ అభ్యర్థి ఎంపిక ఉండడం పట్ల చైర్మన్ సీట్ కోసం పట్టణంలో చిన్న పార్టీలు కూడా ఎన్నికల రంగంలో దిగేందుకు సిద్ధమవుతున్నారు. కూటమి, వైకాపా, కాంగ్రెస్,వామపక్షాలు,బి సి వై ఎం,ఎస్ డి పి ఐ, ఎం ఐ ఎం లాంటి పార్టీ లుకూడా ఛైర్మెన్ రేసులో ఉన్నట్లు సమాచారం.ఈ మూడు రోజులపాటు ఉదయం 11:30 నిమిషాలకు ప్రారంభమైన నామినేషన్లు  సాయంత్రం మూడు గంటల వరకు రోజు నామినేషన్ల ప్రక్రియ ఉంటుందని తదుపరి వచ్చిన వారి నామినేషన్లు స్వీకరించబడరని ఇప్పటికే కమిషనర్ గంగిరెడ్డి తేల్చి చెప్పారు. నామినేషన్ పరంలో ఎలాంటి అవాంఛనీయ సంఘటనలు జరగకుండా ఎమ్మిగనూరు డిఎస్పి, శ్రీనివాసులు పకడ్బందీ బందోబస్తు ఏర్పాటు చేయనున్నట్లు తెలిపారు. స్థానిక సంస్థల ఎన్నికల ప్రారంభం కావడంతో పట్టణాల్లో ఎన్నికల హీట్ మొదలైంది.