చోదిమళ్ళ లో సాయి నక్షత్ర మాలిక, స్థవణ మంజరి పారాయణం అక్టోబర్ 16న సాయంత్రం 6 గంటలకు ప్రారంభం.. భక్తులకు అన్నీ ఏర్పాట్లు

ఏలూరు/చోదిమళ్ల, అక్టోబర్ 16 సూర్య న్యూస్: ఏలూరు జిల్లా చోదిమళ్ల గ్రామంలో షిరిడీ సాయిబాబా భక్తుల ఆధ్వర్యంలో ప్రత్యేక ఆధ్యాత్మిక కార్యక్రమాలను నిర్వహించనున్నారు. షిరిడీ సాయినాథుడు మహాసమాధి చెంది 108 సంవత్సరాలు పూర్తవుతున్న సందర్భంగా, హైదరాబాద్ శ్రీ కాళ్ళ రత్నాజీ షిరిడి సాయి సేవాదళ్  ఫౌండర్ వారి ఆధ్వర్యంలో సాయి నక్షత్ర మాలిక, స్థవణ మంజరి పారాయణ కార్యక్రమాలను భక్తిశ్రద్ధలతో నిర్వహించనున్నట్లు నిర్వాహకులు తెలిపారు.

 రాష్ట్రవ్యాప్తంగా  108 బాబా మందిరాల్లో ఈ ఆధ్యాత్మిక కార్యక్రమాలను నిర్వహించాలనే సంకల్పంలో భాగంగా చోదిమళ్ళ  గ్రామంలోనూ ప్రత్యేక పూజా కార్యక్రమాలు ఏర్పాటు చేసినట్లు పేర్కొన్నారు.

సాయంత్రం 6 నుంచి రాత్రి 8 గంటల వరకు

అక్టోబర్ 16వ తేదీ శుక్రవారం సాయంత్రం 6 గంటలకు కార్యక్రమాలు ప్రారంభమై రాత్రి 8 గంటల వరకు కొనసాగనున్నాయి. ఈ కార్యక్రమంలో సాయిబాబా భక్తులు పాల్గొని సాయి నామస్మరణ, పారాయణంలో భాగస్వాములు కావాలని నిర్వాహకులు కోరారు.

500 మంది భక్తులకు ప్రసాదాల ఏర్పాటు

ఈ కార్యక్రమానికి సుమారు 500 మంది భక్తులు హాజరయ్యే అవకాశం ఉన్నందున, వారికి ఎలాంటి అసౌకర్యాలు కలగకుండా కమిటీ సభ్యులు అన్ని ఏర్పాట్లు చేపట్టారు. కార్యక్రమానికి హాజరయ్యే భక్తులందరికీ ప్రసాదాల పంపిణీ చేయనున్నట్లు సాయిబాబా కమిటీ సభ్యులు వి.వెంకటేశ్వరరావు, చందర్రావు,లు వివరించారు.

భక్తులకు ఆహ్వానం

సాయిబాబా భక్తులందరూ ఈ పవిత్ర పారాయణ కార్యక్రమంలో పాల్గొని సాయినాథుని కృపాకటాక్షాలు, ఆశీస్సులు పొందాలని నిర్వాహకులు కోరారు.

 పసుమర్తి రాము జలా ఇంచార్జ్ ఏలూరు,