కరెంట్ కష్టాలపై స్పందించేవారెవరు?
సూర్య వేల్పూరు : వేల్పూర్ మండలంలోని పోచంపల్లి గ్రామంలో గృహ అవసరాలకు సంబంధించిన విద్యుత్ సరఫరాలో అంతరాయం ఏర్పడుతుండటంతో గ్రామ ప్రజలు తీవ్ర ఇబ్బందులు ఎదుర్కొంటున్నారని స్థానికులు ఆవేదన వ్యక్తం చేస్తున్నారు.
విద్యుత్ సరఫరాలో అంతరాయం కారణంగా నిత్యావసర పనులకు ఆటంకం కలుగుతోందని, ముఖ్యంగా మహిళలు, వృద్ధులు, చిన్నపిల్లలు ఇబ్బందులు పడుతున్నారని గ్రామస్తులు పేర్కొంటున్నారు. విద్యుత్ సమస్యపై సంబంధిత అధికారులు స్పందించి, అంతరాయానికి గల కారణాలను గుర్తించి, సమస్యను త్వరితగతిన పరిష్కరించాలని కోరుతున్నారు.ప్రజలకు నిరంతర విద్యుత్ సరఫరా అందించాల్సిన బాధ్యత సంబంధిత శాఖ అధికారులపై ఉందని, గ్రామంలో నెలకొన్న విద్యుత్ సమస్యను పరిష్కరించి తమకు ఉపశమనం కల్పించాలని పోచంపల్లి గ్రామ ప్రజలు విజ్ఞప్తి చేస్తున్నారు.ఇప్పటికైనా సంబంధిత విద్యుత్ శాఖ అధికారులు స్పందించి సమస్యను పరిష్కరిస్తారా? లేక గ్రామ ప్రజలు మరికొంత కాలం కరెంట్ కష్టాలు అనుభవించాల్సిందేనా? అనేది వేచి చూడాలి.
