andhrapradesh
ప్రయత్నమే ప్రధమ విజయం... టెట్ అభ్యర్థులకు ఎమ్మెల్సీ గాదె పిలుపు
ఎస్. రాయవరం, అక్టోబర్ 12, మేజర్ న్యూస్:
ఆంధ్రప్రదేశ్ లో నిర్వహిస్తున్న స్పెషల్ టెట్ పరీక్ష రాస్తున్న ఉపాధ్యాయులను ఉత్తరాంధ్ర ఉపాధ్యాయ శాసనమండలి సభ్యులు డాక్టర్ గాదె శ్రీనివాసులు నాయుడు స్వయంగా కలిసి వారిలో ఉత్సాహాన్ని నింపారు. ఇప్పటికే పరీక్షకు హాజరైన ఉపాధ్యాయులతో ముచ్చటించి, వారి అభిప్రాయాలు, ఎదుర్కొంటున్న ఇబ్బందులను అడిగి తెలుసుకున్నారు. ఈ సందర్భంగా ఎమ్మెల్సీ డాక్టర్ శ్రీనివాసుల నాయుడు ఉపాధ్యాయులతో మాట్లాడుతూ, ఎవరూ ఆందోళన చెందవద్దని, మనోధైర్యంతో పరీక్షకు హాజరుకావాలని సూచిస్తూ వారిలో ధైర్యాన్ని నింపారు.
"ప్రయత్నమే మన ప్రథమ విజయం"!
అని ఉపాధ్యాయుల్లో ఆత్మవిశ్వాసం నింపిన ఎమ్మెల్సీ గాదె శ్రీనివాసులు నాయుడు, ఉపాధ్యాయుల సమస్యల పరిష్కారానికి తాను ఎల్లప్పుడూ అండగా ఉంటానని మరోసారి భరోసా ఇచ్చారు.
