ప్రచారంలో దూసుకుపోతున్న మున్సిపల్ చైర్ పర్సన్ అభ్యర్థి మొల్ల సాబేరున్నిసా...!

ప్రచారంలో దూసుకుపోతున్న మున్సిపల్ చైర్ పర్సన్ అభ్యర్థి మొల్ల సాబేరున్నిసా...!
- ప్రజా సమస్యల పరిష్కారానికి తొలి ప్రాధాన్యత
- ఏబీఎం పాలెం లో ఇంటింటికి ఎమ్మెల్యే ప్రచారం
-  మొల్ల సాబేరున్నిసాకు 1వ వార్డులో బ్రహ్మరథం

నందికొట్కూరు రూరల్ మేజర్ న్యూస్-: ఎన్నికల ప్రచారంలో ప్రతిపక్ష పార్టీలకంటే పట్టణ ప్రజలను ఆకర్షిస్తూ ప్రభుత్వ సంక్షేమ పథకాలు నందికొట్కూరు ఎమ్మెల్యే గిత్త జయసూర్య పట్టణంలో చేసిన అభివృద్ధి పనులను ప్రజలకు వివరిస్తూ నందికొట్కూరు మున్సిపాలిటీ చైర్ పర్సన్ అభ్యర్థి మొల్ల సాబేరున్నిసా ఎన్నికల ప్రచారంలో దూసుకుపోతున్నారు. శనివారం పట్టణంలోని ఏబీఎం పాలెం 1వ వార్డులో
 ఇంటింటికీ “చెప్పాం.. చేస్తున్నాం” అంటూ ఎన్నికల ప్రచారంలో నందికొట్కూరు ఎమ్మెల్యే గిత్త జయసూర్య పాల్గొన్నారు. ముందుగా నందికొట్కూరు కూటమి మున్సిపల్ చైర్మన్ అభ్యర్థి మొల్ల సాబీరున్నిసా కి మరియు 1వ వార్డు కౌన్సిలర్ అభ్యర్థి కాటేపోగు శివకృష్ణ లకు వార్డు ప్రజలు బ్రహ్మరథం పట్టారు. మున్సిపల్ చైర్మన్ అభ్యర్థికి మరియు వార్డు అభ్యర్థికి
తెలుగుదేశం పార్టీ సైకిల్ గుర్తు పై రెండు ఓట్లు వేసి గెలిపించాలని ప్రజలను కోరారు. ఇంటింటికి తిరిగి ప్రజలను ఆప్యాయంగా పలకరిస్తూ అవ్వ ..తాత మీ ఓటు మాకే అంటూ జెట్ స్పీడ్ పెంచారు. పట్టణాభివృద్ధి మరింత కొనసాగాలంటే కూటమి ప్రభుత్వంతోనే సాధ్యమవుతుందని పేర్కొన్నారు.నందికొట్కూరు పట్టణ అభివృద్ధికి మరింత బాటలు చేసేందుకు మా అభ్యర్థులకు అవకాశం ఇవ్వాలని ప్రజలకు విజ్ఞప్తి చేశారు. ఈ కార్యక్రమంలో టిడిపి నాయకులు లాయర్ జాకీర్, కాటేపోగు భాస్కర్, నిమ్మకాయల మోహన్, ముర్తు జావలి , తదితరులు పాల్గొన్నారు.