పోస్టల్ బ్యాలెట్ పోలింగ్ కేంద్రాలను పరిశీలించిన కడప డిఎస్పి భవాని

కడప, మేజర్ న్యూస్ :కడప నగరంలోని మునిసిపల్ ఉన్నత పాఠశాల (మెయిన్)లో పోస్టల్ బ్యాలెట్ ఫెసిలిటేషన్ కేంద్రాన్ని కడప డీఎస్పీ శ్రీమతి టి. భవాని గురువారం పరిశీలించారు.

ఈ సందర్భంగా పోస్టల్ బ్యాలెట్ ద్వారా ఓటు హక్కు వినియోగించుకునే అర్హులైన సిబ్బందికి కల్పించిన సౌకర్యాలు, కేంద్రంలో చేపట్టిన ఏర్పాట్లు, భద్రతా చర్యలను ఆమె పరిశీలించారు. పోస్టల్ బ్యాలెట్ ప్రక్రియ ఎలాంటి ఇబ్బందులు లేకుండా ప్రశాంతంగా, సజావుగా జరిగేలా సంబంధిత అధికారులు సమన్వయంతో పనిచేయాలని సూచించారు.

ఎన్నికల ప్రక్రియలో పారదర్శకత, క్రమశిక్షణ, భద్రతకు ప్రాధాన్యతనిస్తూ, ఎన్నికల నిబంధనలకు అనుగుణంగా విధులు నిర్వహించాలని డీఎస్పీ సూచించారు. ఈ కార్యక్రమంలో  టూ టౌన్ సి.ఐ శ్రీహరి, రూరల్ సి.ఐ ఎస్.కె రోషన్, టూ టౌన్ ఎస్.ఐ కొండారెడ్డి, సిబ్బంది ఉన్నారు.

 జి.వేణు, మేజర్ న్యూస్ కడప.