పాతూరు కూరగాయల మార్కెట్‌లో వైఎస్సార్‌సీపీ ఎన్నికల ప్రచారం
అనంతపురం బ్యూరో, మేజర్ న్యూస్ : అనంతపురం నగరపాలక సంస్థ ఎన్నికల ప్రచారంలో భాగంగా పాతూరు కూరగాయల మార్కెట్‌లో వైఎస్సార్ కాంగ్రెస్ పార్టీ నాయకులు ప్రచారం నిర్వహించారు. ఈ సందర్భంగా వైసీపీ మేయర్ అభ్యర్థి చిట్లూరి రమేష్, 11వ డివిజన్ కార్పొరేటర్ అభ్యర్థి నసీమా ఫ్యాన్ గుర్తుకు ఓటు వేసి, అత్యధిక మెజార్టీతో గెలిపించాలని మాజీ మార్కెట్ యార్డ్ చైర్మన్ ఏకేఎస్ ఫయాజ్ అభ్యర్థులతో కలిసి ప్రజలను అభ్యర్థించారు.
మార్కెట్‌లో వ్యాపారులు, స్థానిక ప్రజలతో మాట్లాడిన రమేష్, నగరంలో మౌలిక సదుపాయాలు, శానిటేషన్, రోడ్లు, నీటి సరఫరా వంటి అంశాలపై ప్రాధాన్యతతో పనిచేస్తామని అన్నారు. అనంతపురం నగర సమగ్ర అభివృద్ధికి వైఎస్సార్‌సీపీని గెలిపించాలని ఆయన పిలుపునిచ్చారు.
ఈ సందర్భంగా కార్పొరేటర్ అభ్యర్థి నసీమా మాట్లాడుతూ.. 11వ డివిజన్ ప్రజల సమస్యలను దగ్గరగా గమనించి పరిష్కరిస్తానని, వారి అభివృద్ధికి అంకితభావంతో పనిచేస్తానని హామీ ఇచ్చారు. స్థానిక అవసరాలపై దృష్టి సారించి ప్రజలకు న్యాయమైన సేవలు అందించడమే తన లక్ష్యమని ఆమె పేర్కొన్నారు.
ఈ ప్రచారంలో పార్టీ కార్యకర్తలు, స్థానిక నాయకులు పాల్గొన్నారు.
రిపోర్టర్ : మొయినుద్దీన్, అనంతపురం బ్యూరో మేజర్ న్యూస్.
