5వ డివిజన్‌లో కూటమి విజయ శంఖారావం!
అనంతపురం ; కల్పనా రాణి గెలుపే లక్ష్యంగా ఎమ్మెల్యే దగ్గుపాటి ప్రసాద్ విస్తృత, ప్రచారం!రామచంద్ర నగర్‌లో జనసందోహం.. అడుగడుగునా ఆత్మీయ స్వాగతాలుఅనంతపురం అభివృద్ధికి కూటమి అభ్యర్థులను గెలిపించండి.. ప్రజలకు ఎమ్మెల్యే పిలుపుఅనంతపురం నగరపాలక సంస్థ ఎన్నికల ప్రచారంలో కూటమి జోరు పెంచింది. నగర అభివృద్ధే లక్ష్యంగా, కూటమి అభ్యర్థుల విజయమే ధ్యేయంగా అర్బన్ ఎమ్మెల్యే దగ్గుపాటి ప్రసాద్ రంగంలోకి దిగడంతో ఐదవ డివిజన్‌లో ఎన్నికల సందడి మరింత ఉధృతమైంది. రామచంద్ర నగర్ పరిధిలో ఆయన నిర్వహించిన ప్రచారం పార్టీ శ్రేణుల్లో నూతనోత్సాహాన్ని నింపింది. ఐదవ డివిజన్ తెలుగుదేశం పార్టీ అభ్యర్థి ఆరం కల్పనా రాణి విజయాన్ని కాంక్షిస్తూ ఎమ్మెల్యే స్వయంగా ప్రజల్లోకి వెళ్లి ఓట్లు అభ్యర్థించడం ప్రచారానికి ప్రత్యేక ఆకర్షణగా నిలిచింది.ప్రచారంలో ఎమ్మెల్యే జోరు.. కార్యకర్తల్లో నూతనోత్సాహం!రామచంద్ర నగర్‌లో ఎమ్మెల్యే దగ్గుపాటి ప్రసాద్ ప్రచారానికి బయలుదేరడంతో కూటమి నాయకులు, కార్యకర్తల్లో ఉత్సాహం వెల్లివిరిసింది. కల్పనా రాణికి మద్దతుగా సాగిన ప్రచారంలో స్థానికులను కలుస్తూ, వారి సమస్యలను తెలుసుకుంటూ ఎమ్మెల్యే ముందుకు సాగారు. ఇంటింటికీ వెళ్లి కూటమి అభ్యర్థులకు మద్దతు ఇవ్వాలని కోరారు. ప్రజలతో మమేకమవుతూ నగర అభివృద్ధికి కూటమి ప్రభుత్వం చేపట్టనున్న కార్యక్రమాలను వివరించారు.ఎన్నికల బరిలో అభ్యర్థి గెలుపు కోసం ఎమ్మెల్యే స్వయంగా ప్రచార బాధ్యతలను భుజాన వేసుకోవడం పార్టీ శ్రేణులకు మరింత బలాన్ని ఇచ్చింది. డివిజన్‌లోని ప్రతి ఓటరును చేరుకోవాలనే లక్ష్యంతో సాగిన ప్రచారం రాజకీయ వర్గాల్లో ఆసక్తిని రేకెత్తిస్తోంది
