జాహ్నవి రెడ్డి గెలుపే లక్ష్యంగా ఇంటింటా ప్రచారం

పామూరు, మేజర్ న్యూస్ : పామూరు మండల జడ్పీటీసీ ఎన్నికల్లో ఎన్డీఏ కూటమి బలపరిచిన తెలుగుదేశం పార్టీ అభ్యర్థి డాక్టర్ బైరెడ్డి జాహ్నవి రెడ్డిని భారీ మెజార్టీతో గెలిపించాలని రాష్ట్ర తెలుగుదేశం పార్టీ విభిన్న ప్రతిభావంతుల విభాగం ప్రధాన కార్యదర్శి అడుసుమల్లి ప్రభాకర్ చౌదరి కోరారు. ఒంగోలు పార్లమెంట్ తెలుగుదేశం పార్టీ అధ్యక్షుడు, కనిగిరి ఎమ్మెల్యే డాక్టర్ ముక్కు ఉగ్ర నరసింహారెడ్డి ఆదేశాల మేరకు గురువారం బొట్లగూడూరు పంచాయతీలో జాహ్నవి రెడ్డికి మద్దతుగా ఆయన విస్తృతంగా ప్రచారం నిర్వహించారు. ఇంటింటికీ వెళ్లి ఓటర్లను కలుస్తూ ఎన్డీఏ కూటమి అభ్యర్థికి ఓటు వేసి గెలిపించాలని అభ్యర్థించారు. కూటమి ప్రభుత్వం చేపడుతున్న అభివృద్ధి, సంక్షేమ కార్యక్రమాలను ప్రజలకు వివరిస్తూ జాహ్నవి రెడ్డి విజయానికి ప్రతి కార్యకర్త కృషి చేయాలని పిలుపునిచ్చారు. కార్యక్రమంలో బొట్లగూడూరు ఎంపీటీసీ మైదుకూరు చెన్నమ్మ పెదమాల్యాద్రి, పామూరు మండల తెలుగు యువత ఉపాధ్యక్షుడు రాయవరపు శ్రీకాంత్, కోటపాటి రాజా, బొమ్మినేని శివ, గూడూరు వెంకటాద్రి తదితర నాయకులు, కార్యకర్తలు పాల్గొన్నారు.