పొన్నూరు మండలంలో పోలింగ్ కేంద్రాలను పరిశీలించిన రిటర్నింగ్ అధికారులు

 పొన్నూరు మేజర్ న్యూస్:-2026 ఎంపీటీసీ, జెడ్పీటీసీ ఎన్నికల నిర్వహణలో భాగంగా పొన్నూరు మండలంలోని మన్నవ మరియు దొప్పలపూడి గ్రామాల్లో ఏర్పాటు చేసిన పోలింగ్ కేంద్రాలను రిటర్నింగ్ అధికారి, అసిస్టెంట్ రిటర్నింగ్ అధికారి సంయుక్తంగా క్షేత్రస్థాయిలోపరిశీలించారు.ఈ సందర్భంగా పోలింగ్ కేంద్రాల్లో ఓటర్లకు కల్పించాల్సిన మౌలిక సదుపాయాలపై వారు ఆరా తీశారు. కేంద్రాల్లో తాగునీరు, విద్యుత్ సరఫరా, మరుగుదొడ్లు, దివ్యాంగుల కోసం ర్యాంపులు తదితర సౌకర్యాలను పరిశీలించి, లోపాలను సవరించాలని సూచించారు.ఎన్నికల నిర్వహణలో ఎలాంటి ఇబ్బందులు తలెత్తకుండా ముందస్తుగా అన్ని ఏర్పాట్లు పూర్తి చేయాలని సంబంధిత అధికారులనుఆదేశించారు. పోలింగ్ రోజు ఓటర్లు ఎలాంటి అసౌకర్యానికి గురికాకుండా చర్యలు తీసుకోవాలని స్పష్టం చేశారు. ఈ కార్యక్రమంలో మండల తాసిల్దార్ మహమ్మద్ జియావుల్  హక్ , ఎంపీడీవో గుమ్మ చంద్రశేఖర రావు పాల్గొన్నారు.

 పొన్నూరు నేటి దినపత్రిక సూర్య రిపోర్టర్:- సిలార్