పోలింగ్ డిస్ట్రిబ్యూషన్ కేంద్రాన్ని తనిఖీ చేసిన జాయింట్ కలెక్టర్

నెల్లూరు, మేజర్ న్యూస్ : నెల్లూరులోని డీకేడబ్ల్యూ కళాశాలలో ఏర్పాటు చేసిన పోలింగ్ డిస్ట్రిబ్యూషన్ కేంద్రాన్ని జాయింట్ కలెక్టర్ మొగిలి వెంకటేశ్వర్లు తనిఖీ చేశారు. ఎన్నికల నిర్వహణలో భాగంగా పోలింగ్ కేంద్రాలకు పంపిణీ చేస్తున్న బ్యాలెట్ బాక్సులు, పోలింగ్ సామగ్రి, ఇతర ఏర్పాట్లను పరిశీలించారు. ఎన్నికల విధుల కోసం వచ్చిన సిబ్బందికి అవసరమైన సామగ్రి సక్రమంగా అందుతున్న తీరును సమీక్షించారు. పోలింగ్ ప్రక్రియ సజావుగా నిర్వహించేందుకు అధికారులు, సిబ్బంది సమన్వయంతో పనిచేయాలని సూచించారు.