కరువు మండలాలు డిక్లేర్ చేయడంలో ప్రభుత్వం పూర్తిగా విఫలమైంది

కొల్చారం;కరువు మండలాల డిక్లరేషన్ చేయడంలో ప్రభుత్వం పూర్తిగా విఫలమైందని దాంతో జిల్లా రహితంగానికి నష్టం వాటిల్లుతుందని నర్సాపూర్ ఎమ్మెల్యే సునీత లక్ష్మారెడ్డి అన్నారు. కొల్చారం మండలంలోని చిన్నగనాపూర్ గ్రామంలో శనివారం ధాన్యం కొనుగోలు కేంద్రాన్ని ఎమ్మెల్యే సునీత లక్ష్మారెడ్డి స్థానిక సర్పంచ్ చందాపురం మధుసూదన్ రెడ్డి సొసైటీ చైర్మన్  మంద నాగులతో కలిసి రిబ్బన్ కట్ చేసి ప్రారంభించారు. ఎమ్మెల్యే మాట్లాడుతూ.. మెదక్ జిల్లాలో కేవలం మనోహరాబాద్ మండలాన్ని కరువు మండలంగా ప్రకటించి 20 మండలాలను కరువు మండలాలుగా డిక్లేర్ చేయలేదని అన్నారు. కౌడిపల్లి నర్సాపూర్ చిలాప్చేడ్ మండలాల్లో తక్కువ వర్షపాతం నమోదైనప్పటికీ కేవలం ఒకే మండలాన్ని కరువు మండలంగా ప్రకటించడంతో వివక్ష ఎందుకన్నారు. జిల్లాలోని అన్ని మండలాలను కరువు మండలాలుగా ప్రకటించాలన్నారు. కరువు మండలాలుగా ప్రకటించడంతో రైతంగానికి సబ్సిడీపై విత్తనాలు పశుగ్రాసం వస్తుందన్నారు. ఉపాధి హామీ పని లభిస్తుందన్నారు. తాగునీటి సమస్య పరిష్కారానికి ప్రత్యేకంగా నిధులు వస్తాయన్నారు. ప్రభుత్వం వరిపంటలు  సాగు చేయవద్దని క్రాఫ్ట్ హాలిడే ప్రకటించడంతో రైతాంగం ఏ విధంగా జీవిస్తారని అన్నారు. ప్రతి రైతుకు ఎకరాకు 30 వేల రూపాయలు ఇవ్వాలని ఎమ్మెల్యే సునీత లక్ష్మారెడ్డి డిమాండ్ చేశారు. ఈ కార్యక్రమంలో మండల బి ఆర్ ఎస్ అధ్యక్షుడు రాంపల్లి గౌరీ శంకర్ గుప్తా, ఉప సర్పంచ్, తహసిల్దార్ శ్రీనివాస్ చారి, సి డి సిమాజీ చైర్మన్ నరేందర్ రెడ్డి, సొసైటీ వైస్ చైర్మన్ పిల్లల రాజాగౌడ్, సొసైటీ మాజీ చైర్మన్ రంగారెడ్డి,బి ఆర్ ఎస్ పార్టీ సీనియర్ నాయకులు సొసైటీ డైరెక్టర్ పుల్లబోయిన మల్లేష్, సీఈఓ చందాపురం సత్యనారాయణ రెడ్డి, తమ పెద్దలు గ్రామస్తులు పాల్గొన్నారు.