అక్రమంగా ఇసుక తరలిస్తున్న ట్రాక్టర్ పట్టివేత......

మద్దూర్ ..…దూల్మిట్ట పెద్ద వాగు నుండి ఎలాంటి ప్రభుత్వ అనుమతులు లేకుండా అక్రమంగా ఇసుక తరలిస్తున్న ట్రాక్టర్ ను శుక్రవారం రాత్రి మద్దూర్ పోలీసులు పట్టుకుని కేసు నమోదు చేశారు. మద్దూర్ ఎస్సై మొహమ్మద్ ఆసిఫ్ తెలిపిన వివరాల ప్రకారం పోలీసులు పెట్రోలింగ్ నిర్వహిస్తున్న క్రమంలో ఎలాంటి అనుమతులు లేకుండా జాన్ డియర్ ట్రాక్టర్ తో అక్రమంగా ఇసుక తరలిస్తున్నట్లు తెలిపారు. దీంతో ట్రాక్టర్ ను స్వాధీనం చేసుకుని దూల్మిట్ట గ్రామానికి చెందిన గొట్టే బాబు, చిలుక రాజశేఖర్, గొట్టే మహేందర్, సుందరగిరి తేజ లపై కేసు నమోదు చేసినట్లు తెలిపారు. వాగుల నుండి ఎలాంటి ప్రభుత్వ అనుమతులు లేకుండా అక్రమంగా ఇసుకను తరలిస్తే సహించేది లేదని అన్నారు. చట్టరీత్యా చర్యలు తీసుకుని కేసులు నమోదు చేయనున్నట్లు తెలిపారు.