లంకతోటలో వైఎస్సార్‌సీపీ అభ్యర్థుల ప్రచార హోరు
చల్లపల్లి మేజర్ న్యూస్ : చల్లపల్లి మండలం పాగోలు ఎంపీటీసీ సెగ్మెంట్ పరిధిలోని లంకతోటలో శనివారం సాయంత్రం వైఎస్సార్ కాంగ్రెస్ పార్టీ అభ్యర్థులు విస్తృత ప్రచారం నిర్వహించారు. చల్లపల్లి జడ్పీటీసీ అభ్యర్థి గోరిపర్తి సురేష్ బాబు సతీమణి సుజాత, పాగోలు ఎంపీటీసీ అభ్యర్థి అయ్యంకి విజయదుర్గ ఇంటింటికీ తిరుగుతూ ఓటర్లను కలిశారు. ఈ సందర్భంగా మహిళలు పెద్ద సంఖ్యలో ప్రచారంలో పాల్గొని అభ్యర్థులకు మద్దతుగా నినాదాలు చేశారు. ఫ్యాన్ గుర్తుకే మన ఓటు ఇదే అభివృద్ధికి రూటు అంటూ సాగిన ప్రచారంతో ప్రజలను ఆలోచింపజేశారు. దీంతో లంకతోటలో ఎన్నికల సందడి నెలకొంది. మహిళా ఓటర్లను కలుస్తూ, తమకు అవకాశం కల్పించాలని అభ్యర్థులు కోరారు. మహిళల భాగస్వామ్యంతో ప్రత్యర్థులకు దీటుగా వైఎస్సార్‌సీపీ నాయకులు, కార్యకర్తలు ప్రచార కార్యక్రమాన్ని కొనసాగించారు.
స్టాఫ్ రిపోర్టర్: ✍️ ప్రేమ్ రాజ్, అవనిగడ్డ నియోజకవర్గం, కృష్ణాజిల్లా.
