జిల్లా వాలీబాల్‌ విజేతగా ఆదర్శ పాఠశాల
చిన్నకోడూరు, :సిద్దిపేట పట్టణంలోని మైనారిటీ రెసిడెన్షియల్‌ పాఠశాల క్రీడా మైదానంలో ఈ నెల 29, 30 తేదీల్లో నిర్వహించిన పీఎంసీ సిద్దిపేట జిల్లా స్థాయి అండర్‌-17 బాలబాలికల వాలీబాల్‌ టోర్నీలో ఇబ్రహీంనగర్‌ తెలంగాణ ఆదర్శ పాఠశాల విద్యార్థులు ప్రతిభ చాటారు. బాలుర విభాగంలో ప్రథమ స్థానం సాధించి విజేతగా నిలిచారు. బాలికల జట్టు నాలుగో స్థానంతో సరిపెట్టుకుంది. బాలికల షాట్‌పుట్‌ విభాగంలో అమూల్య తృతీయ స్థానం సాధించింది. బాలుర జట్టు సభ్యులు అశ్విత్‌ గౌడ్‌, నవదీప్‌, యశ్వంత్‌, అక్షిత్‌, ప్రణయ్‌, వరుణ్‌, మణిప్రసాద్‌, ఇమ్రాన్‌ ప్రతిభ కనబరిచి విజయంలో కీలకపాత్ర పోషించారు. విజేతలను పాఠశాల ప్రిన్సిపాల్‌ పి.సతీష్‌కుమార్‌, ఉపాధ్యాయులు, స్థానిక సర్పంచ్‌ మూలకల వజ్రవ్వ కుంటయ్య, గ్రామస్థులు, తల్లిదండ్రులు, స్నేహితులు అభినందించారు. విద్యార్థులకు శిక్షణనిచ్చి విజయానికి కృషి చేసిన ఫిజికల్‌ డైరెక్టర్‌ గుండి ప్రవీణ్‌ను ప్రత్యేకంగా ప్రశంసించారు.
