ఎంఈఓ కర్ణాకర్ రెడ్డి సేవలు ఎనలేనివి...
మద్దూర్ ..…ఎంఈఓ కర్ణాకర్ రెడ్డి సేవలు ఎనలేనివని జిల్లా విద్యాశాఖ అధికారి రమేష్ అన్నారు. దూల్మిట్ట హైస్కూల్లో గెజిటెడ్ హెడ్మాస్టర్, ఎంఈఓ అనుముల కరుణాకర్ రెడ్డి శనివారం ఉద్యోగ విరమణ కార్యక్రమాన్ని నిర్వహించారు. ఇంచార్జ్ హెడ్మాస్టర్ చిలక వెంకటయ్య అధ్యక్షతనంగా నిర్వహించిన సన్మాన సభకు డీఈవో రమేష్ ముఖ్యఅతిథిగా హాజరై మాట్లాడుతూ ఉత్తమ సేవలు అందించడం ద్వారానే ఉద్యోగులకు మంచి గుర్తింపు లభిస్తుంది అన్నారు. ప్రభుత్వ ఉపాధ్యాయుడిగా గెజిటెడ్ హెడ్మాస్టర్ గా ఎంఈఓ కర్ణాకర్ రెడ్డి అందించిన సేవలు ఎనలేనివని కొనియాడారు. ప్రధానంగా ధూళిమెట్ట హై స్కూల్ అభివృద్ధి కోసం కర్ణాకర్ రెడ్డి చూపిన చొరవ అభినందనీయమన్నారు. అంతకుముందు విద్యార్థులు ప్రదర్శించిన వివిధ సాంస్కృతిక కార్యక్రమాలు ఎంతగానో ఆకట్టుకున్నాయి. ఈ కార్యక్రమంలో రిటైర్డ్ ఎంఈఓ శ్రీనివాస్ రెడ్డి, గ్రామ సర్పంచ్ గునుకుల లీలా జగన్మోహన్ రెడ్డి, మద్దూర్ ఎంఈవో వరదరాజు, విశ్రాంత ఉపాధ్యాయులు సుధాకరశర్మ, వివిధ ఉపాధ్యాయ సంఘాల నాయకులు ఉపాధ్యాయులు గ్రామ పెద్దలు తదితరులు పాల్గొన్నారు.
