శ్వాసపై ధ్యాస..మనసుకు ప్రశాంతత!

నవాబుపేట సూర్య న్యూస్:మండల కేంద్రంలోని జిల్లా పరిషత్ ఉన్నత పాఠశాలలో విద్యార్థులకు ధ్యానం,శ్వాస నియంత్రణపై శనివారం అవగాహన కార్యక్రమం నిర్వహించారు.ఈ సందర్భంగా ధ్యాన శిక్షకులు  అంజయ్య,శోభారాణి,మాధవి మాట్లాడుతూ..మనిషి తన శ్వాసపై ధ్యాస పెట్టడం ద్వారా విశ్వశక్తిని అనుభూతి చెందవచ్చని తెలిపారు. శ్వాసపై ఏకాగ్రత పెంపొందించుకోవడంతో పాటు శరీరాన్ని, ఇంద్రియాలను నిగ్రహించుకోవడం ద్వారా మానసిక ప్రశాంతత,ఆత్మవిశ్వాసం లభిస్తాయని వివరించారు.అలాగే మనిషి వయస్సు ఎంత ఉంటే అంత సమయం ధ్యానం చేయాలనే విషయాన్ని తెలియజేస్తూ విద్యార్థులకు ధ్యాన పద్ధతులను వివరించారు.ఎంఈఓ నాగ్య నాయక్ సహకారంతో నిర్వహించిన ఈ కార్యక్రమంలో పాఠశాల ఉపాధ్యాయులు,విద్యార్థులు పాల్గొన్నారు.