ఎమ్మెల్యే ఉగ్ర సమక్షంలో టిడిపిలో చేరిన 18కుటుంబాలు

సిఎస్ పురం,మేజర్ న్యూస్: రాష్ట్రంలో టిడిపి జనసేన బిజెపి కూటమి ప్రభుత్వం అమలుచేస్తున్న అభివృద్ధి సంక్షేమ పథకాలకు ఆకర్షితులై శనివారం మండలకేంద్రమైన సిఎస్ పురం పట్టణానికి చెందిన 18కుటుంబాలు ఎంపిటిసి మన్నేపల్లి శిరీషకార్తీక్ అధ్వర్యంలో వైసిపిని వీడి తెలుగుదేశంలో చేరారు. కనిగిరి అమరావతి గ్రౌండ్స్ నందు జరిగిన కార్యక్రమంలో ఎమ్మెల్యే, ఒంగిలు పార్లమెంట్ టిడిపి అధ్యక్షులు డాక్టర్ ముక్కు ఉగ్రనరసింహారెడ్డి టిడిపిలో చేరినవారికి కండువాలు వేసి అభినందించారు. ఈసందర్భంగా మాట్లాడుతూ టిడిపి కుటుంబంలో ప్రతిఒక్కరికి తగిన గౌరవం ఉంటుందని రాష్ట్రంలో ముఖ్యమంత్రి చంద్రబాబునాయుడు, ఉపముఖ్యమంత్రి పవన్ కళ్యాణ్ నాయకత్వంలో టిడిపి కూటమి ప్రభుత్వం అమలుచేస్తున్న అభివృద్ధి సంక్షేమ పథకాలకు విశేష ఆదరణ ఉన్నట్లు టిడిపి అభివృద్ధికి కృషిచేసి జడ్పిటిసి ఎన్నికల్లో టిడిపి అభ్యర్థిని భారీమెజార్టీతో గెలిపించాలని సూచించారు. ఈకార్యక్రమంలో ఎమ్మెల్యే ఉగ్ర,మన్నేపల్లి కార్తీక్,పోకల మాల్యాద్రి,టిడిపిలో చేరిన బోయిన కొండయ్య, తోటరమేష్,పోకల లక్ష్మీనారాయణ,పెద్దన్న, తోటనారాయణ,పలువురు ఉన్నారు.