BREAKING
గండిగూడెం దుర్గమ్మ, ఎల్లమ్మ, చిత్తరమ్మ దేవాలయాల నిర్మాణాలకు ఎమ్మెల్యే భారీ విరాళం.. బొమ్మన రవీంద్రనాథ్ రెడ్డి నామినేషన్ దాఖలు మంచం గుర్తుతో ఆశా సుబ్రహ్మణ్యం ప్రచార శంఖారావం చిన్నారుల ఆరోగ్య రక్షణ ప్రతి ఒక్కరి బాధ్యత ఐదేళ్లలోపు పిల్లలకు పోలియో చుక్కలు తప్పనిసరిగా వేయించాలి మైనారిటీలకు అండగా నిలుస్తూ పేద విద్యార్థిని, విద్యార్థులకు ఇంటి పెద్ద కొడుకులా ఆదుకుంటున్న వక్స్ బోర్డ్ డైరెక్టర్...... ఇస్మాయిల్ బేగ్ ఉచిత మెగా వైద్య శిబిరం చేరుకులపాడు సర్పంచ్ అభ్యర్థిగా శకుంతలమ్మ నామినేషన్ పోలియో చుక్కల కార్యక్రమాన్ని ప్రారంభించిన డీసీసీ అధ్యక్షులు పట్లోళ్ల చంద్రశేఖర్ రెడ్డి. పల్స్ పోలియో - మన పిల్లల భవిష్యత్తుకు రక్షణ టెలికం బోర్డు మెంబర్ బీజేపీ జిల్లా నాయకులు బైండ్ల కుమార్ పేకాట స్థావరంపై పోలీసుల దాడి నూతన వధూవరులను ఆశీర్వదించిన ఎమ్మెల్యే.. రెండు చుక్కలు జీవితానికి రక్షణ: సర్పంచ్ మేఘనాథ్ రెడ్డి నిరుపేదలకు ఆరోగ్య భరోసా కల్పించడమే లక్ష్యం లయన్స్ క్లబ్ నేరేడుచర్ల ఆధ్వర్యంలో ఉచిత వైద్య శిబిరం పల్స్ పోలియో చుక్కలు వేయించాలి: సర్పంచ్ బొక్క సువర్ణ అంజిరెడ్డి స్థానిక సంస్థల ఎన్నికల్లో కూటమి విజయానికి కృషి చేసిన నాయకులు, కార్యకర్తలకు ధన్యవాదాలు...గుత్తుల సాయి…

పచ్చదనం పరిమళం.. పిఠాపురంలో పీఠికాపుర వనాన్ని ప్రారంభించిన ఉప ముఖ్యమంత్రి పవన్ కళ్యాణ్

Select Suryaa Now
పచ్చదనం పరిమళం.. పిఠాపురంలో పీఠికాపుర వనాన్ని ప్రారంభించిన ఉప ముఖ్యమంత్రి పవన్ కళ్యాణ్

సూర్య ఆంధ్రప్రదేశ్ డెస్క్: పిఠాపురం పట్టణ ప్రజలకు ఆహ్లాదకరమైన, ఆరోగ్యకరమైన వాతావరణాన్ని అందించడంతోపాటు పచ్చదనాన్ని పెంపొందించే లక్ష్యంతో అభివృద్ధి చేసిన పీఠికాపుర వనాన్ని రాష్ట్ర ఉప ముఖ్యమంత్రి, అటవీ–పర్యావరణ శాఖల మంత్రి కొణిదెల పవన్ కళ్యాణ్ ప్రారంభించారు. నియోజకవర్గ పర్యటనలో భాగంగా సోమవారం నగర వనంలో మొక్క నాటి, ప్రారంభ సూచకంగా శిలాఫలకాన్ని ఆయన ఆవిష్కరించారు. కేంద్ర ప్రభుత్వ నగర వన్ యోజన పథకం కింద సుమారు 1.83 కోట్ల రూపాయల వ్యయంతో ఆరు ఎకరాల విస్తీర్ణంలో ఈ నగరవనాన్ని సర్వాంగ సుందరంగా తీర్చిదిద్దారు. గతంలో పూర్తిగా డంపింగ్ యార్డుగా, అపరిశుభ్రతకు నెలవుగా ఉన్న ఈ ప్రాంతం ఉప ముఖ్యమంత్రి ప్రత్యేక చొరవతో నేడు పచ్చదనపు పరిమళాలు వెదజల్లుతూ ప్రజలకు ఆహ్లాదాన్ని పంచే హరిత ప్రాంతంగా రూపాంతరం చెందింది.
​పిఠాపురానికి ఉన్న ఆధ్యాత్మిక ప్రాధాన్యతను దృష్టిలో ఉంచుకుని ఈ నగరవనాన్ని ఆహ్లాదం, ఆధ్యాత్మికతల సమ్మేళనంగా నిర్మించారు. ఇందులో భాగంగా ఏర్పాటు చేసిన నక్షత్రవనం, శివపంచాయతన వనం సందర్శకులను ఎంతగానో ఆకట్టుకుంటున్నాయి. ఇరవై ఏడు నక్షత్రాలకు ప్రతీకగా నిలిచే ఉసిరి, మేడి, మోదుగ, రావి, మర్రి, వేప తదితర మొక్కలను ఒక వరుస క్రమంలో నాటగా, ప్రతి మొక్కను ఉప ముఖ్యమంత్రి ఆసక్తిగా తిలకించారు. శివ స్వరూపమైన మారేడుతో పాటు వినాయకుడు, విష్ణువు, అమ్మవారు, సూర్యభగవానుడి స్వరూపాల మొక్కలతో శివ పంచాయతనంగా ఏర్పాటు చేశారు. ప్రతి మొక్కకు శాస్త్రీయ నామం, వాడుకలో ఉన్న పేరుతో ప్రత్యేక బోర్డులను ఏర్పాటు చేశారు.
​అనంతరం డెబ్బై సెంట్ల విస్తీర్ణంలో ఏర్పాటు చేసిన మియావకీ ఫారెస్ట్ ప్లాంటేషన్‌తో పాటు బటర్‌ఫ్లై పార్కును, నగరవనం మధ్యలో ఉన్న భారీ కొలనును పవన్ కళ్యాణ్ పరిశీలించారు. తక్కువ విస్తీర్ణంలో ఎక్కువ మొక్కలను పెంచి వేగంగా పచ్చదనాన్ని అభివృద్ధి చేసేందుకు ఈ మియావకీ పద్ధతిని ఉపయోగించారు. బాక్స్ క్రికెట్, ప్లే కోర్ట్స్ లాంటి మరిన్ని ఆకర్షణలను కూడా ఇక్కడ జోడించనున్నారు. గతంలో డంపింగ్ యార్డుగా ఉన్న ఈ ప్రదేశం నగరవనంగా మారిన వైనాన్ని తెలిపే ఫొటో గ్యాలరీని తిలకించి, ఇందుకు కృషి చేసిన అధికారులను ఆయన అభినందించారు. కేంద్ర ప్రభుత్వ సహకారంతో రాష్ట్రవ్యాప్తంగా ఇప్పటికే పద్దెనిమిది నగర వనాలను ప్రారంభించినట్లు తెలిపారు. ఈ కార్యక్రమంలో కాకినాడ ఎంపీ తంగెళ్ల ఉదయ్ శ్రీనివాస్, స్థానిక ప్రజాప్రతినిధులు, జిల్లా కలెక్టర్ హరేంధిర ప్రసాద్‌తో పాటు పలువురు ఉన్నతాధికారులు పాల్గొన్నారు.