పెద్దవీధిలో వైభవంగా దేవీ నవ రాత్రులు

అనకాపల్లి: పట్టణంలోని  పెద్దవీధిలోని శ్రీ సీతారామ యాత, శెట్టిబలిజ సంఘం ఆధ్వర్యంలో శ్రీ దేవీ శరన్నవరాత్రి ఉత్సవాలు అత్యంత వైభవంగా, ఆధ్యాత్మిక శోభతో కొనసాగుతున్నాయి. ఈ నవరాత్రి వేడుకలలో భాగంగా గురు భవానీ యాండ్ర రామకృష్ణ పర్యవేక్షణలో అమ్మవారికి నిత్య పూజలు, విశేష సేవలు ఘనంగా నిర్వహిస్తున్నారు. ఉత్సవాల్లో భాగంగా నేడు అమ్మవారు 'శ్రీ గాయత్రీ దేవి' అవతారంలో భక్తులకు దివ్య దర్శనమిచ్చారు. ఈ సందర్భంగా తెల్లవారుజాము నుంచే ఆలయంలో గాయత్రీ అష్టోత్తర శతనామావళి, ప్రత్యేక అభిషేకాలు మరియు పూజా కార్యక్రమాలు నేత్రపర్వంగా సాగాయి. ఈ పూజా మహోత్సవంలో సుమారు 100 మంది భవానీ మాలధారులు, శివభక్తులు, సంఘ ప్రతినిధులు మరియు స్థానిక భక్తులు పెద్ద సంఖ్యలో పాల్గొని అమ్మవారిని దర్శించుకుని తీర్థప్రసాదాలు స్వీకరించారు. అమ్మవారి నామస్మరణలు, భవానీల భజనలతో పెద్దవీధి ప్రాంతమంతా ఆధ్యాత్మిక నినాదాలతో మార్మోగింది.

రవికుమార్ 

ఎన్డిపి సూర్య ప్రతినిధి