పారిశుధ్య పనులను పర్యవేక్షించిన జెడ్పీటీసీ శ్రీనివాసరావు
పారిశుధ్య పనులను పర్యవేక్షించిన జెడ్పీటీసీ శ్రీనివాసరావు
చీరాల : చీరాల మండలం ఈపురుపాలెం గ్రామ పంచాయతీలో పారిశుధ్య పరిస్థితులను జెడ్పీటీసీ బిట్ర శ్రీనివాసరావు మంగళవారం పరిశీలించారు. గ్రామంలో రోడ్ల వెంట పేరుకుపోయిన చెత్తాచెదారాన్ని తొలగించి పారిశుధ్య పనులను దగ్గరుండి పర్యవేక్షించారు. ఈ సందర్భంగా పంచాయతీ కార్యదర్శి నక్కల శ్రీనివాసరావుకు గ్రామంలో నిరంతరం పారిశుధ్య పనులు చేపట్టాలని సూచించారు. పారిశుధ్య కార్మికులకు గత కొన్ని నెలలుగా పెండింగ్లో ఉన్న వేతనాలను వెంటనే చెల్లించేలా చర్యలు తీసుకోవాలని అధికారులను కోరారు. చెత్తాచెదారం తొలగించడంతో గ్రామస్తులు హర్షం వ్యక్తం చేశారు.